Nos soror Anna de Richenstain abbatissa totusque conventus monasterii in Maggeno^vwe^a)1 notum facimus || presencium inspectoribus universis, quod dilectus nobis in Christo Hainricus incuratus ecclesie nostre apud sanctam || Verenam² ob salutem sue anime et in redempcionem animarum videlicet patris sui Johannis et matris sue Gerdrudis || necnon patrui sui fratris Burchardi sacerdotis quondam inclusi in Velthain³ predium emptum pro octo libris et decem solidis denariorum Constanciensium vulgo dictum an dem Lên enunt des Hafners eggen⁴ solvens singulis annis quatuordecim solidos prescripte monete nobis nostroque monasterio in usus perpetuos iure proprietario, sicut et ipse actenus possedit, libere contradidit et donavit, hac sub ordinacione scilicet, quod illorum quatuordecim solodorum^b) septem solidi in anniversario predictorum .. patris et .. matris prefati H. incurati, quod devote a nobis celebrandum est in die sancti Genesii m(artyris), reliqui vero septem solidi in anniversario pretaxati fratris Burchardi patrui sui, quod iterum humiliter celebrandum est a nobis in die sancti Januarii m(artyris), nostro conventui in vino vel piscibus nomine pitancie per manus .. monialis, que tunc preest pitancie, debent omni contradictione postposita perpetuo ministrari. Si autem nos vel quecumque abbatissa tunc fuerit dolose vel fraudulenter neglexerimus satisfacere conventui de ipsa pitancia temporibus prenotatis, pitancia tunc neglecta incurato in Maggenowe^a), quicumque fuerit, sine omni dolo et fraude in animas et consciencias nostras est a nobis assignanda. Cum vero sepedictus Hainr. prefate ecclesie nostre incuratus de medio huius vite sublatus fuerit, predictis duobus anniversariis exspirantibus penitus et cessantibus eius anniversarium annuo cultu peragere et excolere tenemur humiliter et devote cum visitacione sui sepulchri in sero et in mane, si nobiscum sepelietur, et cum vespera^c) necnon missa pro defunctis sub pena similiter prescripta, prefatos quatuordecim solidos eodem die in vino et piscibus expendentes. In predictorum itaque testimonium evidens et cautelam presentem litteram nostri sigilli munimine, quo et nos⁵ utimur, fecimus communiri. Datum et actum in Maggno^vwe^a), anno domini M°.CCC°.XX°. sexto, in die ascensionis domini. Nos frater Jacobus abbas in Wêttingin⁶, quia huic interfuimus contractui et eum novimus esse verum, in testimonium predictorum nostrum sigillum presenti scripto iussimus appendi.

Source Fulltext: Chartularium Sangallense V, Nr. 3286, S. 516-517.