Wir Hiltpolt von gottes genaden apte des gotzhuß von sant Gallen¹ vnd aller der conuent gemainlich des selben gotzhus kúnden vnd verjehent allen den, die disen brieff lesent ansechent oder ho^erent lesen, das wir angesehen haben dannckna^eme getrúwe vnd veste diennst, die vnns vnd vnnserm gotzhuß geta^vn hett vnd noch getůn mag der frome rytter her Johanns von Lutterberg, darvmbe so tu^egen wir ime die gnade vnd haben geta^vn frylich vnd ainmu^etteklich, dz wir alle die aigenschafft vnd die recht, die wir vnd v´nnser gotzhuß hatten ald haben mochten an dem hoffe zů Sytterdorff, da der Múßung vff sytzet, der des selben herren Johanns von Lutterberg recht lehen was von v´nnserm gotzhuß vnd er den selben hof ko^vffte von dem Ka^eser, geben vnd geben haben mit disem brieff den gaistlichen frowen vnd dem closter ze Maggenow, das die selben frowen vnd das closter ze Maggenow den selben hofe vnd was dar^a) ho^eret, so^ellint haben jemermer aigenlich on alle anspra^vch vnd one alle irrtagen, der von v´nns^b) oder von v´nnseren nachkomen mo^echte geschechen, also dz sy den selben vorgenanten hofe von v´nnserm gotzhuse zů zinß aigen haben vnd v´nns ja^erlich ze sant Gallen tult von dem hofe geben vff sant Gallen altar ainen vierding wachs, vnd verziehen v´nns vnd alle v´nnser nachkomen mit disem brieff aller anspra^vche vnd alles rechtens, die wir an dem vorgenanten hofe ze Sytterdorff hatten vnd haben mochten von kainen dingen oder von kainer schla^echte sachen, won der vorgeschriben her Johanns von Lutterberg den vorgenanten hofe ze Sytterdorff geben hett dem closter ze Maggenow vrlich^c) vnd lutterlich durch siner sele hail. Vnd dz dis alles wa^vr syge vnd statt belibe, dar vmb so geben wir apt Hiltpolt vnd der conuent von sant Gallen disen brieff besigelt mit v´nnsern insigele. Das beschach vnd ward dirre brieff geben ze sant Gallen an dem na^echsten zinßtag vor inga^enntem mayen nach der gepurt Cristi M°CCC° vnd im XXVII ja^vre.

Source Fulltext: Chartularium Sangallense VI, Nr. 3310, S. 9.