Allen dien, die disen brief ansehent lesent oder ho^erent lesen, kúnd ich Hainrih der Ome¹ vnd vergih, das ich noh || kain min erbe enkain reht reht^a) haben noh haben súllen an dien zwain pfunden pfenng^a) geltes, die mir min erwir||diger herre abt Hiltpolt von sant Gallen² versezzet hat vsser dem ampt ze Wittabach³ fúr zehen mark silbers, die er || mir von sinen genaden gab vmb min dienst rosse^b), wan allain das es min libgeding ist. Vnd nah minen^c) tode sol es enkain min erbe ansprehen noh vorderen. Vnd ze ainem waren vrkúnd gib ich ime disen brief besigelt mit minem insigel. Der wart geben ze sant Gallen, anno domini M°CCC°XXVII°, an sant Afren tag.

Source Fulltext: Chartularium Sangallense VI, Nr. 3321, S. 19.