Wir graf Johans von Habsburg¹ herre ze Raprechtzswile² kúnden vnd viriehen^a) allen, die disen brief sehent oder ho^erent || lesen, daz der erber vnd geislich herre . . der probst vnd daz gotzhus ze Vâre³ ein wingarten hant, der gelegen ist ze Wolrov´⁴ || in vnser vogteie vnd man nemmet an dem Riete⁵, den er ko^vfte von Chůnratz kinden dez Suters von Wolro^v vir^b) ein recht || eigen. Wir durch liebi des probstes vnd des gotzhuses ze Vare der vorgenanden geben hein vnd geben an disen gegenw|rtigen briefen mit gůtem willen vnd betrachtunge vnd binden o^vch vnser erben harzů, dien reblúten, die den wingarten buwent, daz recht, daz sii mit zehen schillingen gemeiner múntze, der sii fúnf schilling ze meiien^c) vnd fúnf schillinge ze herbsten geben suln vns vnd vnsern erben vnd nakomen, die denne vber den hof ze Wolro^v vo^egte sint, dienen sullen, noch vns noch vnsern nakomen enheis andern dienstes gebunden sint ze tůnne, ez wêr denne, daz die selben reblúte in dem vorgeschriben hofe ander gu^eter hetten, von dien si denne dienen suln als vil, als zît vnd zimlich ist. Wêr o^vch daz, daz den hof erbeit von v´rlig ân gienge, so sullen si dien hoflúten behulfen sin mit wachenne, noch sint aber nicht gebunden dehein reise oder heruart zeuarne oder zetůnne. Vnd har vmbe so entzihen wir vns aller ansprache vnd vorderunge, so wir hie wider han ko^enden oder mo^echten an deheim gerichte geislichem oder weltlichem, vnd binden o^vch vnser erben vnd nakomen har zů. Vnd harumbe ze einem offennen vrkúnde so geben wir dien vorgenanden . . probste, gotzhus vnd o^vch dien reblúten disen brief besigelt offenlich mit vnserm ingesigel. Dis beschach ze Raprechtzswile^d) vnd ward dir brief geben in dem jare, do man zalte von gottes gebúrte drúzehen hundert jar vnd darnach in dem sibenden zwenzzigosten jare, an dem vierzehendem tage ho^ev´manodes, do dú indictio waz dú zehende.

Source Fulltext: Chartularium Sangallense VI, Nr. 3319, S. 18.