Wir graf Hug vnd graf Růdolf von Montforte gebrůder tu^egen kund allen den, || die disen brief ansehent, lesint oder ho^erent lesin, das wir vns baide gemainlich vnd ietweder || besunder gebunden habint vnd bindent an disem brief, gescha^eh das der pfantschatz || der gu^eter, dv´ die edel vnser můme fro Adelhait von Griessenberch hat von dem gotzhus ze sant Gallen vnd geerbet hat von ir wirte sa^eligen wilunt hern Hainrich von Griessenberg, geuiel an den erwirdigen herren bischof Rudolf von Costentz vnd den edeln vnsern lieben vettern graf Vlrich von Montforte des vorgenanten bischof Růdolfes brůder, so so^elen wir alles das tv^on vnd sta^ette haben, das die vorgenanten bischof Růdolf vnd graf Vlrich von Monfort gebrůder vnser lieben vettern gelobt vnd verschriben hant an irem brief, den sv´ dem vorgenanten gotzhus ze sant Gallen geben hant, vnd gescha^eh och dar nah, das der vorbenemt pfantschatz, es wa^er von der vorgenanten vnser . . můmen oder den vorbenemten vnserm herren dem . . bischof vnd vnserm vettern graf V^olrich an vns von erbeschaft geuiele, wenn danne ain herre oder der . . conuent ze sant Gallen den pfantschatz von vns lo^esen wil, so so^elen wir inen hundert march silbers lan an dem gůte, dar vmb der pfantschatz haft ist. Wenn si och vns des gůtes halbes gewert hant, wa^er das es ze schulden kumet, so so^elin wir inen den pfantschatz halben ledig lan. Vnd ze ainem waren vrkúnde han wir vnserv´ insigel gehenket an disen brief. Der wart geben ze Arbon, do man zalt von gottes geburt drúzehenhundert jar, siben vnd zwainzig jar, an dem ma^entag nah sant Thomas tag des zwelfbotten.

Source Fulltext: Chartularium Sangallense VI, Nr. 3336, S. 27.