Wir dv´ priorin vnd alle der convent von O^etenbach¹ veriehen an disem briefe, swer in liset oder || ho^erit lesin, daz v´ns Wernher der Elmer² hat geben XII. mark silbers dvr got vnd dvr siner sele || willen, vnd da von svn wir ierlich geben VI. mv´t kernen geltis swester Jvdenten siner swester von || dem gv^ote ze Eschibach³, die wil vnz daz nv´t wider gilo^est ist, vnd swenne daz beschihet, dc ez wider gilo^est wirt, so verbv´tet der prior⁴ vnd der convent⁵, dc dihein priorin giwalt habe v´ber de selbe silber iene hin ze tv^enne, wan wider an ein eigen ze legenne, dem convent vnd der selbin s(wester) Jvdenten ze nv´tze, die wil si lebitt. Wer aber, dc dv´ priorin dar an svmig were, dc ez nit an gileit wr^vde, dez sol si enhein schaden han, wan dc man ir ellv´ iar VI. stvke gebin sol, vnd so ez an gileit wirt, so sol man ir aber VI. stvke gebin von dem gv^ote an ir schaden. Vnd swenne si tot ist, so sol man ir vater vnd ir mv^oter vnd ir brv^oders iarzit bigan mit den selbin VI. m(v´t) ker(nen) ze der zit, so ez givallet, den swestern v´ber tisch, alz sv´ ez aller gernest hant. Vnd daz diz war vnd stete si, dar vmbe git der prior⁴ vnd der convent⁵ ir ingesigel an disen brief.

Source Fulltext: Chartularium Sangallense VI, Nr. 3331, S. 25.