Wir Hiltpolt von gottes genaden abt², V^olrich von Enne probst³, Swigger von Griffenstain custer⁴ vnd der . . conuent || gemainlich des gotzhus ze sant Gallen in Costenzer bistům vergehen offenlich an disem gegenw|rtigen brief, gescha^ehe || das dv´ edel fro^vwe fro^v Adelhait wilunt hern Hainriches sa^eligen von Griessenberch⁵ elichv´ wirtenn sturbe vnd von dirre welt || schiede, ê wir oder vnser . . nahkomen erlo^esit hettin von ir den pfantschatz der gv^eter ze Bernhartzelle⁶, ze Morshv^obe⁷, Helfetswille⁸, Rikenbach⁹, Batzenhaide¹⁰, Adorf¹¹, A^elggo^e12, des zehenden ze Moggenwille¹³, des zehenden ze Bramshouen¹⁴, ze dem Wille¹⁵ vnd des zehenden ze Zůzwille¹⁶ mit anderen lv´ten vnd gv^etern, die dú selb fro^vw von vns vnd vnserm gotzhus in pfandes wise inne hat vnd an si geuallen sint von ir wirt sa^eligen von dem vorgenanten . . von Griessenberch mit allen den rehten, als er den selben pfantschatz brahte vntz an sinen tod, vnd das och dann der selb pfantschatz nah der vorbenemten fro^v Adelhait tode geuallet, als billich ist, an den erwirdigen herren bischof Růdolf von Costentz¹⁷ vnd grauen V^olrich von Montforte¹⁸ der ietzbenemten fro^v Adelhait brůder gemainlich oder besunder, oder gescha^ehe, das der ietzbenemte pfantschatz nah tode des vorgenanten herren bischof Růdolfs von Costentz vnd graf V^olrichs sines brůder geuiel an die edeln graf Hugen vnd graf Růdolf von Montfort¹⁹ gebrůder gemainlich oder besunder, so so^elen wir vnd vnser . . nahkomen den vorgenanten herren bischof Růdolf von Costentz vnd den vorgesprochenen grauen von Montforte den pfantschatz der selben gv^eter innelan als lang, vntz wir oder vnser . . nahkomende den pfantschatz von inen erlo^esen vnd erledigen mugint, den si haben vnd niessen sont mit allen rehten vnd gewonhaiten, als in her Hainrich sa^elig von . . Griessenberch noss vnd braht an sinen tod. Wir binden vns och vnd vnser . . nahkomende dar zv^o, das wir mit dem selben pfantschatz niht tv^on so^elin mit lihende, mit gebende, mit versetzende, mit verko^vffende ald mit dehainer ander slaht sache, da mit der dikbenemte pfantschatz in ander wise vnd wege, dann er ietz ist, verua^erwet vnd gea^endert muge werden. Wir V^olrich probst, Swigger custer vnd der . . conuent die vorbenemten bindent vns an disem brieue ze ainer merer sicherhait der vorgeschribenn dinge, gieng vnser herr der vorgenant abt Hiltpolt abe oder sturbe, das wir dann enhainem kúnftigen abt gehorsami tu^egent, er versicherre dann mit sinem brief vnd insigel sta^ette ze habende alles, das hie vor geschriben stat. Vnd ze ainem waren vrkúnd aller ding vnd gedinge, die hie vor geschriben sint, haben wir abt Hiltpolt vnd der . . conuent die vorbenemten v´nserv´ insigel gehenket an disen brief. Der wart geben ze sant Gallen, do man zalte von gottes gebúrt drúzehen hundert jar, siben vnd zwainzig jare, an dem cinstag nah sant Gallen tag.

Source Fulltext: Chartularium Sangallense VI, Nr. 3329, S. 22-23.