Allen den, die disen brief an sehent oder ho^erent lesen, kv´nd ich V^olrich von Ramen||swag¹ ritter vnd vergich offenlich an disem brief, daz ich dem edeln herren herrn Berh||tolt von Falkenstain fryen vnd korherren ze sant Gallen² ainen aide ze den hailgon || gesworn hân, daz ich ime dienon sol mit dem libe, als ferr ich mag ân gefarde, vnd mit der burg ze Ramenswag ze wartenn, also daz er si mit siner kost besorge, ob er drin vnd drûss kriegon welte, vntz daz er ze apt ze sant Gallen besta^etet wurde². Ich vergich och an disem brief, swenne mich der vorgenant herr . . Berhtolt von Falkenstain gewert der hvndert mark silbers oder mir zehen mark gúlt in layen wis^a) ald zwaintzeg mark gúlt an ainer gotz gâbe gelichet, dâr vmb ich sinen offenn brief hân, so sol ich ime dú pfânt, dú och an sinem brief^b) benemmet sint, ledig an allen fúrzug lâssen bi dem selben aide. Vnd daz dis allez wâr sige vnd sta^et belibe, so henk ich min insigel an disen brief. Der wart geben ze sant Gallen, an dem dvnstag nach vˆsga^ender ôsterwuchen in dem iâr, do^c) man von gotz gebúrt zalt drútzehenhvndert iâr, dar nach in dem aht vnd zwaintzegostem iâr.

Source Fulltext: Chartularium Sangallense VI, Nr. 3343, S. 31.