Universis Christi fidelibus presentem paginam inspecturis nos Hesso divina miseracione abbas¹ totusque conventus monasterii Rútinensis ordinis Premonstratensis Constan(ciensis) dyocesis subscriptorum || noticiam cum salute. Cum H. dictus Sigeli nostro monasterio titulo servitutis pertinens Agnetem filiam Rů. dicti de Bernegga dispari servitutis condicione constrictam legitimam duxerit in || uxorem, nos H. abbas et conventus monasterii Rútinensis predicti, diligenti prehabita deliberacione ac nostri monasterii utilitate pensata, Adelh., Mech.^a) et Mecht. germanas filias Ber. dicti || Dieggenspach de Hv´nwile nobis nostroque monasterio servili condicione subiectas cum omni iure proprietatis, sicut consuetum est, quod nobis nostroque monasterio in ipsis competiit seu competere potuit, reverendis in Christo dominis . . abbati ac conventui monasterii sancti Johannis ordinis sancti Benedicti dyocesis prefate tradidimus ac presentibus tradimus ipsis ac ipsorum monasterio servitute perpetua constrictas, recipientes mutuo ab ipsis predictam Agnetem uxorem H. dicti Sigeli cum prole sua, videlicet C. et Margareta ab ipsis procreata ipsis ac ipsorum monasterio titulo servitutis pertinentes, prout in litteris² ab ipsis nobis traditis reperitur, nobis nostroque monasterio titulo perpetue servitutis alligatas. Acta sunt hec anno domini M°.CCC°.XXVIII°. in die sancti Othmari confessoris, indictione XII^a. hiis testibus in presencia constitutis, videlicet domino H. monacho monasterii sancti Johannis, fratre Jo. Fabro de Rúti, H. dicto Bossinkon, C. villico de Hv´nwile, Albrehto de sancto Johanne, Ber. dicto Dieggenspach, . . dicto Girsteling de Ilno^vw ac aliis fidedignis. In huius igitur rei evidenciam et firmitatem nos H. abbas et conventus monasterii sepedicti religiosis viris . . abbati ac conventui monasterii sancti Johannis presentes litteras tradidimus nostris sigillis roboratas.

Source Fulltext: Chartularium Sangallense VI, Nr. 3372, S. 50.