Wir graue Hug von Werdenberch¹ kúnden vnd veriechen offenlich an disem briefe allen den, die in sechent lesent alder ho^erent || lesent^a), daz wir mit gůtem râte vnd gůter betrachtunge vnd mit gesundem libe die vogtye ze sant Peterscelle² vnd im Walde³, || liute vnd gůt, gesůchtes vnd vngesůchtes, mit allen nútzzen, rechten vnd gwonheiten, die dar zů geho^erent, vnd als wir die || selben vogtye ze sant Peterscelle vnd im Walde gehebt vnd genossen haben vnd als si an vns coment^a) sint, verco^vffet haben recht vnd redelich dem erberen ritter heren Růdolf von Roschach⁴ vnd allen sinen erbon vmb hundert vnd zweinzig phunde alles Chostentzer phenninge gůter vnd gnemer, der wir aller von im sien gewert vnd die in vnseren nútzz comen sint. Vnd haben im diu vorbenentere^a) gu^etere ze sant Peterscelle vnd im Walde verliehen ze aeinem rechten lechen mit allen den sitten gewonheiten vnd gebaerden vnd mit aller gehu^egnúste worte vnd werke, die dar zů geho^erent, vnd haben im vnser hende dar zů gebotten vnd gestreket mit aller vriheit, als ein heren sin lechen liehen sol vnd magk. Vnd daz dem vorgeschriben heren Růdolf von Roschach vnd allen sinen erbon daz staete vnd gantz von vns vnd vnseren erbon belibe, dar vmbe so geben wir der vorbenent graue Hug von Werdenbergk dem vorgeschriben heren Růdolf von Roschach vnd allen sinen erbon disen brief besigelten mit vnserem insigel ze einem staeten vnd gewaern vrkúnde aller der dinge vnd gedinge, diu hieuor an disem briefe geschriben stant. Daz geschach vnd wart o^vch dirre brief gegeben ze Veltkirch⁵ vf der burch, do von Christes gebúrte warent driuzehen hundert jare vnd ni^ven vnd zweinzig jare, dar nach an sant Walpurch tage ze ingaendem maeien.

Source Fulltext: Chartularium Sangallense VI, Nr. 3385, S. 60-61.