useridguestuseridguestuseridguestERRORuseridguestuseridguestuseridguestuseridguestuseridguest
Charter: Chartularium Sangallense 06 (1327-1347) 1330 I 17
Signature: 1330 I 17
no graphic available
Zoom image:
Add bookmark
Edit charter (old editor)
17. Januar 1330
Papst Johannes XXII. warnt Basel, weitere Städte, geistliche und weltliche Würdenträger vor Ludwig dem Bayern.
Source Regest: Chartularium Sangallense VI, Nr. 3398, S. 68 (Quellenwerk I/2, 1497.).
 

ins.
Registereintrag, Vatikan. Archiv, Reg. Vat. 115, f. 354, ep. 1868.

    x
    Dilectis filiis . . communi et universitati civitatis Basiliensis. Paterna nos movet affectio zelusque vestre salutis inducit, ut qui vobis parantur laquei nostre mentis exponentes obtutibus, ne in illis vos contingat incidere, sed ab illis vestris prorsus elongatis gressibus pericula varia, ad que trahunt predicti laquei, caucius evitetis, vos excitare curemus. Sane ad vestram non ambigimus noticiam pervenisse, qualiter dudum propter excessus enormes et facinora detestanda Ludouici olim ducis Bauarie et discorditer in regem Romanorum electi adversus eum exigente iusticia de fratrum nostrorum consilio procedentes primo premissis erga ipsum monitionibus inductionibus et exhortationibus nostris salubribus, eisque per eum contemptibiliter et dampnabiliter obauditis, ipsum excommunicationis vinculo duximus innodandum, ac deinde suis gravibus excessibus culpis contumaciis et inobedienciis continuatis et auctis omni iure, si quod ex electione predicta sibi ad regnum Romanum vel imperium fuerat forsitan acquisitum, et successive ipso excessus excessibus cumulante dicto ducatu Bauarie omnibusque privilegiis tam apostolicis quam imperialibus et feudis, que a Romana vel quibusvis aliis ecclesiis seu imperio quomodolibet obtinebat, de dictorum fratrum consilio privavimus, et demum quia velut in profundum malorum demersus et venundatus ut malum faceret hereticis et hereticalibus intendens dogmatibus ac hereses et errores deffendens publice, seque ad offendendum ecclesiam sanctam dei eiusque fideles et devotos fidem disponens subvertere catholicam totumque cetum turbare fidelium nisus est et quantum in eo extitit perturbavit, assumendo P. de Coruaria1 in antipapam et apostaticum ac procurando, quod idem P., priusquam per eundem L. et quosdam suos in huiusmodi factione dampnanda sequaces et complices in divine magestatis offensam cunctorumque fidelium opprobrium et iacturam assumptus extitit, pseudocardinales notarios aliosque officiales iuxta morem, quem servat Romana curia de facto constitueret et crearet et alia nonnulla presumeret detestanda, per que Christi tunicam inconsutilem nisus est scindere, quod tamen crucifixores eiusdem minime temptaverunt, immo ipsam indivisam et integram conservarunt, propter que et multa alia prefatus L. extitit de heresi et scismate iusto ecclesie iudicio sententialiter publice condempnatus. Nec vos latere credimus, qualiter idem L. in partibus Italie, in quibus diucius sua insania dampnabili contra inhibitionem sedis apostolice moram traxit, civitates et loca, que ipsum receperunt et paruerunt eidem, devastavit destruxit et ad tantam paupertatis et inopie necessitatem et egestatem deduxit, quod vix etiam per longissimi tractum temporis adicere poterunt, ut resurgant, quodque civitates omnes, que ipsum receperant, se ab eius obediencia subtraxerunt et quasi omnes ad ecclesie redierunt obedienciam, ad quod etiam que nondum redierunt se disponunt. Cum autem idem Ludouicus hiis diebus proximis apud Tridentum2 se sicut accepimus conferens ibidem iniquo convocato consilio viis modis et coloribus diversis exquisitis ordinare nitatur, quod sicut in eisdem Italie partibus, qui sibi obedierunt, devoravit substancias eosque suis excessibus et erroribus quantum potuit irretivit, ita vestras et aliarum partium Alamanie, ad quas sitibundus aspirat, devorare valeat suisque excessibus et erroribus implicare ac officiales vicarios aliosque ministros propterea destinare disponat ad civitatem vestram et partes alias Alamanie sicut fertur, providenciam vestram monemus rogamus et in domino attencius exhortamur, quatenus grandia pericula, que vobis vestrisque posteris possent ingerere talia vestrique nominis claritatem inficere ac creatorem vestrum matremque vestram sanctam Romanam ecclesiam contra vos graviter provocare, deducentes in recte considerationis examen necnon graves penas et sentencias tam per diversos processus nostros contra receptatores defensores auxiliatores adherentes eta) sequaces Ludouici predicti heretici et scismatici eiusque officialium complicum sequacium et fautorum quam per iura et diversas constitutiones adversus receptatores fautores adiutores adherentes et consiliatores hereticorum et scismaticorum inflictas diligencius attendentes, prefatum L. hereticum et scismaticum aut quosvis vicarios officiales vel inistros ipsius, quocunque nomine censeantur, nullatenus admittatis nec eis vel eorum alicui quomodolibet pareatis nec prestetis aut prestari faciatis seu ab aliis, quantum in vobis fuerit, permittatis consilium auxilium vel favorem directe vel indirecte, publice vel oculte, sed pocius vestre saluti providentes et fame periculisque predictis consulcius occurrentes, sicut et vestra solita devotio exigit, in devotione sancte matris ecclesie sic inmobiliter serpentinis quorumlibet consiliis et sinistris devitatis suggestionibus persistatis, quod et divinam et apostolice sedis valeatis benedictionem et gratiam uberius promereri.||
    . . . ||
    In eundem modum sculteto magistro civium consulibus et universitati hominum sancti Galli Constanciensis diocesis3.||
    . . . ||
    In eundem modum nobili viro Frederico comiti de Togkenburg4.||
    Dat. XVI. kl. febr. anno quartodecimo.
    Source Fulltext: Chartularium Sangallense VI, Nr. 3398, S. 68-70.

    Original dating clauseXVI. kl. febr.

    Editions
    • UB der Stadt Basel IV (1899), 79. - Rieder, Röm. Quellen, 838. - MGH Constitutiones VI/1, 680.


    LanguageLatein

    Notes
    a) Ein erstes et durchgestrichen. - 1 Peter v. Corbara (ital. Prov. Salerno), 1328-1330 Antipapst Nikolaus V. - 2 Trient, ital. Stadt u. Prov. - 3 An 5. Stelle von 13 weiteren Empfängern. - 4 Friedrich V. v. Toggenburg, 1315 - + 1364. An letzter Stelle von 13 weiteren Empfängern.
     
    x
    There are no annotations available for this image!
    The annotation you selected is not linked to a markup element!
    Related to:
    Content:
    Additional Description:
    A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.