Allen, die disen gegenwúrtigen brief ansehent oder ho^erent lesen, kv´nden wir Herman von Gru^enestain¹ || ritter vnd Amalye² sin elichv´ husvro^vwe vnd vergehen des offenlich, das wir frilich vnd vnbetwngenlich || Katherinun Justrichs tôhter, îetz Haintzen Berwarts von Balgach³ elichv´ wirtinne vnd alle irv´ kint, || die îetz von ir geboren sint alder noch geborn werdent, die v´nser aigen lút waren, haben vff geben mit aller der kraft, die dar zů gehorten vnd notdúrftig sint, vnser vro^vwen der abtissenn ze Lindo^vw⁴ vnd ir gotzhuss mit aller der aigenschaft vnd mit allem dem reht, als ander gotzhus aigen lúte sint, die in den ho^vff ze Balgach ho^eren, vnd dar v´ber verzihen^a) wir v´ns baidv´ der selben Katherinun vnd aller ir kind, es sien knaben ald^b) tohteran, sie sien îetz ald werdent her nach von ir geborn, gen der selben abtissenn vnd irem gotzhus ze Lindo^vw, als vor ist beschaiden, aller aigenschaft aller ansprach als rehts vnd aller vorderung gaischelichs vnd weltlichs gerihts vnd aller brief, da mit wir dise lút vnd dise relich^c) gift kunden ald mo^ehtend widerkomen ald in kain wise bekrenken ald gebrechen. Vnd dar v´ber ze warem offenn vrkúnd alles des da vor ist gescriben, so geben wir vorgenanten Herman von Gru^enenstain ritter vnd Amalye min elichv´ husvro^vw disen brief gesigelten mit v´nseren^d) aigenen insigel. Diss beschach vnd wart dirre brief geben ze Lindow, do man zalt von gotz gebúrt druzehenhunder iar, dar nach in dem drisigosten iar, an der mitwochen vor der liehtmiss ze v´nser vro^vwen tag ze^e) der kerzbrennv´.

Source Fulltext: Chartularium Sangallense VI, Nr. 3399, S. 70-71.