Allen den, die disen brief sehent, kúnd ich Hiltprant von Werdenstain¹, den man || haissit von^a) Emptze², daz ich von den erbern in got gaischlichen lúten . . || dem apt vnd . . dem conuent von Salmanswiler³ enpfangen han zwai pfunt || Cost(entzer), der ich von in gewert bin, vnd hab mich dar vmb vúr mich selb vnd vúr alle min erben verzigen aller ansprach vnd alles rehtes, so wir heton ald wandunt ze hand an daz gůt, daz die vorgenanten von Salmanswiler wilon coufton vmb frôwe Elzbetun von Juggun⁴, da iez dv´ Redingerin vf sitzet, vnd an den akker, den si coufton vmb Hainr. von Griessern⁵, den Cv^eni von Bongarten iez buwet, sv´ sigint gelegen ze Juggun ald ze Griesserrun. Vnd des ze ainem vrkúnde gib ich in disen brief besigelt mit minem aigem insigel. Der geben wart ze Salmanswiler, do man von gottes gebúrt zalt drúzehenhundert vnd ains vnd drissig iar, an dem zinstag nah dem o^ebrostem tag.

Source Fulltext: Chartularium Sangallense VI, Nr. 3443, S. 104-105.