Johannes episcopus servus servorum dei dilectis filiis universis vassallis monasterii sancti Galli ordinis sancti Benedicti Constanciensis diocesis salutem et apostolicam benedictionem. Summi disposi||tione rectoris ad regimen universalis ecclesie deputati curis assiduis angimur, ut opem et operam, quantum nobis ex alto conceditur, impendamus, ut orbis ecclesie et monasteria uni||versa pastorum solatio destituta per nostre providentie ministerium viris ydoneis committantur, qui sciant, velint et valeant ecclesias et monasteria ipsa eis commissa studiose regere, pruden||ter dirigere ac salubriter gubernare. Dudum siquidem monasterio sancti Galli ordinis sancti Benedicti Constanciensis diocesis per obitum quondam Hilpoldi abbatis eiusdem monasterii, qui extra Romanam curiam diem clausit extremum, abbatis regimine destituto, nos huiusmodi vacatione ipsius monasterii fidedignis relatibus intellecta cupientes ad eius regimen personam ydoneam nostre operationis ministerio presidere, provisionem eiusdem monasterii ea vice ordinationi et dispositioni nostre duximus specialiter reservandam, decernendo extunc irritum et inane, si secus super hiis per quoscunque quavis auctoritate scienter vel ignoranter contingeret attemptari, ac deinde monasterium ipsum, de quo nullus preter nos se ea vice post reservationem et decretum predicta intromittere poterat, ex certis causis tunc expressis Rodolpho episcopo Constanciensi usque ad nostrum et sedis apostolice beneplacitum duximus commendandum. Et subsequenter ex aliis iustis causis eiusdem monasterii dicta revocata commenda, de dilecti filii Hermanni de Bonisteren abbatis monasterii sancti Galli prefati fidelitatis et circunspectionis industria plenam in domino fiduciam obtinentes, ipsum monasterium sibi simili modo duximus commendandum. Nosque deinde, ante quam idem Hermannus cepisset regimen huiusmodi exercere, reputantes utilius, quod monasterium ipsum proprii pastoris presidio fulciretur, de provisione utili ipsius monasterii solicite cogitantes, post deliberationem, quam ad preficiendum dicto monasterio personam utilem ac etiam fructuosam cum nostris fratribus habuimus diligentem, demum ad dictum Hermannum abbatem predicti sancti Galli tunc monachum Heremitarum ordinis et diocesis predictorum monasteriorum ordinem ipsum expresse professum et in sacerdocio constitutum, cui de religionis zelo vite mundic[ia ho]nestate^a) morum prudentia spiritualium et temp[oralium]^a) Providentia apud nos fidedigna testimonia perhibentur, direximus aciem nostre mentis, quibus omnibus debita meditation[e discu]ssis^a) de persona prefati Herma[nni dicto monasteri]o^a) sancti Galli de ipsorum fratrum consilio [au]ctoritate^a) apostolica providimus ipsumque illi [prefecimus]^b) in abbatem curam et administ[rati]onem^a) ipsius sibi tam in spiritual[ibus quam in t]emporalibus^a) plenarie committendo, in [eo qui d]at^a) gratias et largitur premia, confidentes, [quod idem monasterium]^a) sancti Galli per sue circunspectionis et diligentie f[ructuosum]^a) studium dextera sibi domini assistente propicia [spiritual]iter^a) et temporaliter regetur, utiliter et prospere dirigetur. Q[uocirca]^c) universitati vestre per apostolica scripta mandamus, quatinus dictum abbatem debita honorificentia prosequentes ei fidelitatem solitam necnon consueta servicia et iura sibi a vobis de[bita]^c) exhibere integre studeatis, alioquin sententiam sive penam, quam id[em]^c) abbas rite tulerit in rebelles, ratam habebimus et faciemus auctore domino usque ad satisfactionem cond[ignam]^c) inviolabiliter observari. Dat. Auinione, XVIIII kl. ianuarii, pontificatus nostri anno decimooctavo.

Source Fulltext: Chartularium Sangallense VI, Nr. 3534, S. 178-179.