Ich her Cv^onrat herzog von v´rselingen¹ ritter tůn kunt vnd vergih offenlich allen || dien, die disen brief ansehent lesent oder ho^erent lesen, das die wisen vnd beschaiden || lúte . . der rat vnd . . die burger gemainlich von sant Gallen mir geben vnd berihtet || hant siben vnd drisseg mark silbers Costenzer gewiht, der ich von inen ga^enzlichen gewa^eret bin, an der gúlte, die mir min herre . . der kayser an ir stúre verschaffet vnd bewiset hat, des ich sinen offen brief² vnd insigel hab. Vnd des ze vrkunde gib ich inen disen brief versigelt mit minem insigel. Das beschah ze sant Gallen vnd wart diser brief geben, do man zalt von Cristes gebúrte drúzehen hundert jar, dar nah in dem vier vnd drissegesten jare, an sant Agnesen tag.

Source Fulltext: Chartularium Sangallense VI, Nr. 3538, S. 182.