Wir grave Friderich vnd grave Diehtheln gebrv^oder von Thoggenbvrg¹ kv´nden allen den, die disen brief ansehent oder ho^erent lesen, || daz wir dvr got vnd dvr v´nser sêl hail vnd o^vch dvr die be^ate der edelen vro^vwen v´nser mv^omen von Griessenberg² haben willeklich gegeben || der kilchen ze Lv´tmaerikon³ v´nser aigenschaft an dem gv^ot ze Ohsenhart⁴, daz V^olrich der Wolf von Constenz von v´ns hat vor mâls, vnd von im || dv´ erber vro^vwe vro Gv^ota von Bv^ochschorren⁵ daz selbe gv^ot, daz von v´ns lehen waz, vnd o^vch daz zins aigen gegen Vischinen⁶, daz zv^o dem selben gv^ot ho^eret, ko^vffet haet an die vor genanden kilchen vmb XVIIII phvnt phen(ning) Const(enzer)^a) mv´nz, mit der gedinge, daz dv´ vor genand vro Gv^ot, die wile si lebet, daz vor geschriben gv^ot niessen sol vnd es besezzen vnd enzezzen, si hat o^vch daz bedinget, schwenne daz ist, daz si enwâêre, so sol her V^olrich der lv´priester von Lv´tmerikon vnd vro Trvˆta der vor genanden von Bv^ochschorren schwo^ester daz vor genand gv^ot niessen, die wil so sv´ lebent, swa sv´ sint, in allem dem reht^b), als dv´ vor genand vro Gv^ot ir selber es bedinget het, vnd schwenne dewaeders vnder dien zwain enwe^are, so sol des^c) zins der kilchen gevallen sin, daz ist ain mvt kern Const(enzer)^a) mess vnd II ß. phen(ning) von hern V^olrichen, vnd swaz des andern zinses ist, daz sol lidig werden, swenne dv´ vor genande vro Trvˆt enist. Dv´ vor geschriben vro Gv^ot het o^vch gedinget, schwenne daz vor genand gv^ot lidig wirt, schwer in dien zîtten des vorgeschribenn^d) goteshvˆse^e) phleger ist, daz der von dem zins des^f) vorgenanden gv^otes sol frv´mmen ain o^el lieht vor dem marterbilde vssrent halb dem kôre in der selben kilchen, daz tag vnd naht brinne, vnd schwer denn sigrist sie, dem sol werden ain viertel bonan Const(enzer)^a) mess, daz er daz lieht enzv´nde, vnd schwer lv´priester ist, dem sol werden von dien vorgenanden zinsen ain schilling phen(ning) an aller selan tag. Disv´ ordenvng wart vollebraht mit aller gewarsami vnd sicherhait worten vnd werchen, so dar zv^o ho^eren sol, vnd daz der vorgenanden vro Gv^oten von Bv^ochschorren diz alles, so hie vor geschriben ist, sicher vnd stet belibe, so geben wir die vor genanden grave Friderich vnd grave Diehtheln gebrv^oder von Thoggenbvrg ir disen brief besigelt mit v´nsren aigenn^d) insigeln. Dirre brief wart geben in der bvrg ze Schwarzenbach⁷ an der nehsten mitwuchen vor sant Katherinen tag in dem jare, do man zalt von gottes gebv´rt drv´zehenhvndert [ia]r^g), dar nah in dem vierden vnd drissigosten iare, da ze gegen waren Hanrich von Lo^enberg⁸, Rv^odolf von Lv´tmerikon, Johans von Stvrzneg⁹, Cv^onrat von Kêsswiller¹⁰ vnd ander erber lv´t genv^og.

Source Fulltext: Chartularium Sangallense VI, Nr. 3568, S. 199-200.