Wir graue Krafft von Toggenburg probst der kilchen ze der probsty Zúrich¹, graue Friderich vnd graue Diethelm von Toggenburg gebrůder² sin vettern tůn kund allen den^a), disen brieff sehent oder ho^erent lesen, vnd vergehen offennlich, dz wir die aigenschafft des hoffes ze A^eschlicon³ vnd alle die rechtunge, so wir daran hatten, den her Amor von Luterberg⁴ ritter vormals von v´nns ze lehen hatte vnd vnns graffen Krafft der halbtail des selben hoffes angehorte, vnd aber der ander halbtail horte vnns die vorgenanten brůder an, luterlich durch got vnd durch v´nnser vnd v´nnser vordern selen hails willen ledeklich vfgeben haben den erwirdigen gaischlichen frowen der a^eptissinen vnd dem conuent gemainlich des closters ze Maggenow⁵ ze des selben ir closters wegen, vnd haben vnns alle drye gemainlich vnnd vnuerschaidenlich verzigen an der vorgesaiten a^eptissinen vnd ir conuentes hennde aller der rechtunnge vnd anspra^vche, so wir oder v´nnser erben, die wir hie zů binden, nach der aigenschafft des vorgeschriben houes mit allem^b) dem rechte, so dar zů geho^ert, jemer dehaine wyse mo^echten gewúnnen mit gaistlichen oder mit weltlichen gerichten ald mit dehainen andern sachen. Vnd hier v´ber durch dz diß veste vnd sta^ette belibe, so geben wir den vorgenanten closterfrowen ze ir closters wegen gemainlich disen gegenwúrtigen brieff mit v´nsern insigelen offenlich besigelt. Diß geschach an dem na^echsten frytag nach sant V^olrichs tag nach der gepurt Christi M°CCC XXXV ja^vre.

Source Fulltext: Chartularium Sangallense VI, Nr. 3591, S. 213-214.