Wir graf Friderich von Toggenburg¹ kúnden vnd veriehen offenlich mit di||sem brîef allen den, die in an sehent oder ho^erent lesen, daz v´ns die er||wirdigen herren von gotes genaden der apt vnd der . . conuent des goteshus || in der Richun O^vwe² gar vnd ga^entzlich gewert hant des libdinges, so si vnd iro goteshus v´nserm vettern sa^eligen graf Craften³ nah sinem tod vnd v´ns vnd v´nseren erbon von sinen wegen dennoht schuldig waren ze geltont vnd ze rihtent, vnd sagen si o^vch vnd ir goteshus des selben libding vnd o^vch gúlt da von ledig vnd los mit disem brief. Vnd des ze warem vrkúnde geben wir inen fúr v´ns vnd alle v´nser erben disen brîef besigelten mit v´nserm insigel. Der ist gen ze Liehtenst(eige)⁴, do man zalt von gotes gebúrt drúzehenhundert jar, darnah in dem dritten vnd drizzigosten jar, an sant Jacobes âbent des hailgen zwelifbotten.

Source Fulltext: Chartularium Sangallense VI, Nr. 3720, S. 301.