Wir Nyclaus von gots gnaden bischof ze Costentz¹ tůn kunt allen den, die disen || brief ansehent, lesent oder ho^erent lesen, daz fúr v´ns kam ze Casteln² in || v´nser burch der erber man Johans Wildrich von sant Gallen vnd frow || Anna sin elichú wirtenn, dú Cůnrat Arnoldes tohter ist, vnd bat v´ns, daz wir im gunden ze versetzende disú nachgeschribenen gu^eter siner elicher wirtenn frowen Annen egnant fúr hundert march silbers gůtes vnd ga^ebes Costentzer gewihtes ze ainem wernden phande ân allen abschlag an irr hainstúr, dú selben gu^eter a^ellú von v´ns vnd v´nserm gotshuse ze Costentz lehen sint, vnd sint also genant, des ersten den hof ze Bachwile³ mit allem reht vnd daz gůt ze Phawenmose⁴ mit allem reht vnd den zehenden, er sie klain oder groz, der in daz selb gůt ze Phawenmose geho^eret, vnd den zehenden ze Dieprehtzwiler⁵ vnd den zechenden zem Hofe⁶ vnd ze Niderwile⁷, klainen vnd grozzen, vnd daz gu^etlin ze Oberngolda⁸, daz der . . Spatz buwet, mit allem reht, vnd den zehenden, den man nemmet ze der . . Schweherinun bo^vngarten, vnd vff Arnolts berge. Dizz haben wir dem vorgnanten Johansen gunnen, vnd ist o^vch beschehen mit v´nsrer hant, willen vnd wissen, wie ez kraft hatte oder gehan maht mit worten, geba^erden vnd geta^eten, so darzů gehort ald dhainen weg geho^ern maht. Vnd des ze offem vrkúnde henken wir v´nser aigen insigel an disen brief. Der gegeben ist ze Casteln, do man zalt von Cristes gebúrte drútzehenhundert jar vnd in dem viertzigosten jar, an dem ma^entag nach sant Hylarien tag.

Source Fulltext: Chartularium Sangallense VI, Nr. 3730, S. 308.