Allen, die disen brief ansehent lesent oder ho^erent lesen, tůn ich Eglolf der Ômme¹ ritter || kund vnd vergih offenlich an disem brieue fúr mich vnd fúr alle min erben, das min brůder Hainrich || der Ômme mit minem gůten willen vnd gûnst dem spital ze sant Gallen², da die siechen inne sint, den || hof ze Hůbe³ vnder dem Rodmonten⁴ bi Cappelle⁵ gelegen gantzlich vnd gar geben hat vnd geuertgot nah dem rehten. Ich han mich ouch frilich vnd willeklich entzigen vnd entzih mich mit disem brieue fúr mich vnd fúr alle min erben aller reht vnd aller ansprach, die ich ald min erben iemer han ald gewinnen mo^ehtin an gaistlichem vnd an weltlichem geriht vnd ouch âne geriht mit worten ald mit werken gegen dem vorgenemten spital vmb den vorgenemten hof ze Hůbe. Vnd des ze ainem waren vrkúnde vnd sta^etun sicherhait henk ich min insigel an disen brief. Der geben ward ze sante Gallen in der stat, do man zalt von gottes gebúrt drúzehen hundert jar, dar nah in dem viertzgosten jar, an sant Johans abent des Toffers.

Source Fulltext: Chartularium Sangallense VI, Nr. 3750, S. 329.