Wir Nyclaus von gotz genaden bisschoff ze Chost(entz)¹ tůn kunt offenlichen mit disem brief allen den, die^a) in ansehent lesent oder ho^erent lesen, daz wir mit gůther vorbetrachtung dem vesten ritter hern Eglolfen dem O^vmen² vnd allen sinen erben dú nahgeschriben pfant, dú im der edel herr graf Albr. von Hohenberch³, graf Hug vnd graf Hainr. sin brůder⁴ vmb sinen dienst⁵ versetzzet hattent, daz ist vierdhalp mark geltes vss v´nserm vnd v´nsers gotzhuses ze Chostentz hofe ze Horn⁶ bi Arbon^b)7, die im versetz sint vmb fúnfzig mark lo^etiges silbers Chostentzer gewichtes, vnd vier pfunt geltes Chostentzer pfenning, dú zwai tail an korn vnd daz trittail an pfenningen vzz v´nserm kelnhof ze Egnach⁸, der zů dem gůth ze Arbon geho^eret, die im versetzt sint vmb sechzig pfunt gůther pfenning Chostentzer múns, wan es mit frúntlichen vnd redelichen ta^edingen, dú wir v´nserm gotzhuse ze Chostentz ze nutz vnd ze fúrdrung mit dem vorgedachten graf Albr. von Hohenberch gehebt hant, dar vmb daz dú vesti ze Arbon, dú v´nserm gotzhuse empfro^emdet waz, wider zu dem gotzhus ze Costentz brâcht vnd gelo^eset wurde, berett vnd gedinget ist, recht vnd redelich vmb daz vorgedaht gůth besta^etet habent vnd besta^etent mit disem brief zů rechten werenden pfanden an allen abslag ia^erliches ze niessende, vntz daz wir oder v´nser . . nahkomen den vorgenanthen hern Eglolfen oder sin erben, ob er enwa^eri, ermanent mit fúnfzig marken gůthes silbers des vorgenanthen gewichtes vnd mit sechzig pfunt pfenningen der vorgenanthen múns, wir habent ouch v´ns vnd allen v´nsren nahkomen behalten, daz wir die vorbenemten ho^ef besetzzent vnd entsetzzen súllen, als wir wa^enent, daz es v´ns vnd v´nserm gotzhus nútz vnd fůglich sige, doch also, daz der egenanth her Eglolf oder sin erben an ir pfantschatzze da von kainen gebresten gewinnent. Vnd des ze vestnung vnd warem vrchúnd der vorbeschaiden besta^etung der pfant vnd alles des, so vor ist geschriben, gebent wir bisschoff Nyclaus vorgenanth fúr vns vnd v´nser nahkomen dem vorgenanthen hern Eglolf vnd allen sinen erben disen brief mit v´nserm aigen insigel versigelt. Der geben ist^c) ze Chostentz, do man zalt von Christus gebúrth drúzehenhundert jar vnd in dem vierzigosten jar, an dem fritag nah sant Walpurchs tag ze inga^endem maigen.

Source Fulltext: Chartularium Sangallense VI, Nr. 3742, S. 318-319.