Decanus ecclesie sancti Petri Argent(inensis) iudex et conservator iurium et privilegiorum honorandorum || et religiosorum in Christo virorum magistri et fratrum ordinis Theutonicorum Jherosolimitanorum auctoritate sedis apostolice || deputatus universis et singulis sacerdotibus per civitatem et dyocesim Constantien(sem) constitutis, || ad quos presentes pervenerint, et specialiter plebanis seu viceplebanis in opido sancti Galli divina celebrantibus salutem in domino. Sentencias excommunicationis et aggravationum quascumque pro contumacia per nos latas ad instantiam venerabilium virorum . . conmendatoris et fratrum dicti ordinis domus Argent(inensis) contra universas et singulas personas sexus utriusque dicti opidi sancti Galli in processibus nostris super hoc prius habitis nominatas et nichilominus sentencias exclusionis a divinis, si quas tulimus, ad instantiam dictorum religiosorum contra universitatem opidi memorati ad preces seriosas virorum prudentum magistri et consulum civitatis Argent(inensis) in dei nomine presentibus relaxamus. Quare vobis et cuilibet vestrum mandamus in virtute sancte obedientie firmiter et districte, quatinus sentencias huiusmodi per nos relaxatas^a) omnes quam et singulas personas in predictis nostris processibus recitatas, quas absolvimus in hiis scriptis a sentenciis memoratis, ipsas vice et auctoritate nostra absolvatis et absolutas vestris suditis^b) publice nuncietis, iniungentes ipsis penitenciam salutarem. Datum Argentine, in die beati Remigii episcopi, anno domini millesimo CCC^mo. quadragesimo primo.

Source Fulltext: Chartularium Sangallense VI, Nr. 3790, S. 362-363.