Officialis curie Const(anciensis) omnibus presencium inspectoribus subscriptorum noticiam cum salute. Noverint universi et singuli, quos nosce || fuerit opportumum^a), quod constitutis coram nobis in figura iudicii feria tercia proxima post dominicam, qua cantabatur || Misericordia domini, que evenit post diem beati Tyburcii, sub annis domini millesimo trecentesimo quadragesimo secundo Johanne || de Stayna¹ armigero, V^edelhildi filia quondam Hainrici dicti im Kilchof de Arbona² uxore ipsius Johannis legitima ex una et magistro Cůnrad. de Tengen³ advocato curie Const(anciensis) nomine altaris et cappelle beati Siluestri site iuxta ambitum ecclesie Const(anciensis)⁴ in medio cappelle sancti Sepulcri⁵ et scola^a) ecclesie Const(anciensis) ex parte altera, prefati Johannes et V\edelhildis receptis propter hoc duabus libris et decem solidis denariorum Constan(ciensium) a Walthero dicto Graman de Rumashorn⁶, qui in feudum habuit et tenuit a prefata V^edelhildi et eius progenitoribus possessiones sitas quasi in medio villarum Rumashorn et Salmsa⁷ decem iugera agri continentes, videlicet possessiones dictas in dem Riet⁸ vnd zů dem Kolakker⁸ vnd zů Růtzenrúti⁸, omni iuri, quod eis tam iure dominii directi quam eciam utilis in eisdem agris quovis modo compeeiit utrique vel alteri eorum vel in posterum eis competere videretur, pure simpliciter et libere spontanea voluntate sufficienti deliberacione prehabita, ut asseruerunt, in manus nostras et prefati magistri Cůnrad. nomine cappelle et altaris beati Siluestri predictorum resignaverunt pro se et heredibus suis, promittentes se numquam velle inpettere memoratas possessiones racione dominii utilis seu directi, constituentes se eo modo warandos dictarum possessionum, quodque dictam cappellam et altare beati Siluestri ab aliquo seu aliquibus ipsorum nomine super eisdem agris vexare de cetero non permittant bona fide promiserunt, adhibitis in premissis verborum et gestium^a) sollempnitatibus debitis et conswetis, renunciantes nichilominus in premissis omni exceptioni doli mali, non adhibite sollempnitatis, decepcionis ultra dimidium iusti precii, non numerate peccunie, non tradite, non solute et generaliter omni exceptioni iuris et facti hac^a) omni auxilio iuris canonici et civilis, quibus mediantibus que premissa súnt quomodolibet in toto vel in parte violari possent seu infringi. In cuius rei testimonium nos . . officialis predictus ad peticionem Johannis et V^edelhildis predictorum presentes litteras dicte cappelle beati Siluestri sigillo officialatus curie Const(anciensis) tradimus communitas. Et ego Johannes de Stayna in evidenciam omnium premissorum eo, quod me consenciente pariter et favente facta sunt, sigillum meum proprium una cum sigillo honorabilis viri domini . . officialis curie Const(anciensis) et sigillo prefate V^edelhid.^a) uxoris mee ad pleniorem certitudinem duxi presentibus appendendum. Ego vero V^edelhild. prefata uxor legitima Johannis de Stayna predicti premissis omnibus et singulis consensum meum adhibui et ea de voluntate mariti mei predicti feci, et in testimonium et robur eorundum sigillum meum proprium una cum sigillo honorabilis domini . . officialis curie Const(anciensis) et sigillo Johannis mariti mei prefati presentibus appendi. Acta sunt hec anno et die predictis in domo habitacionis Frid. sigilliferi curie Const(anciensis)⁹ contigua superiori et inferiori curiis ecclesie Const(anciensis), presentibus discretis viris Frid. sigillifero curie^b) Const(anciensis), Hainrico, Růdol. dictis Linden civibus Const(anciensibus), V^olr. dicto Spůln notario curie Const(anciensis), Johanne dicto Eglin der witwen sun hospite de Const(ancia) et Petro dicto Appaceller testibus ad premissa vocatis specialiter et rogatis.

Source Fulltext: Chartularium Sangallense VI, Nr. 3804, S. 373-374.