Officialis curie Constantiensis universis presentes litteras inspecturis noticiam subscriptorum cum salute. || Noverint universi et singuli, quos nosse fuerit oportunum, quod constitutus coram nobis || Wilnhelmus dictus Hofackrer de Tegerschon¹ Constantiensis dyocesis fatebatur in iure pro se et suis heredibus, quod ipse || predia seu possessiones suas dictas Wintzenberg² cum suis pertinentiis et iuribus universis iusto venditionis tytulo vendiderit et tradiderit religiosis in Christo . . abbatisse et conventui monasterii in Maggenowe³ ordinis Cysterciensis dicte Constantiensis dyocesis pro viginti duabus libris et decem solidis monete Constantiensis, quas, prout coram nobis confessús est, ab eisdem . . abbatissa et conventu plenarie recepit. Prefatus etiam Wilnhelmus per fidem suam nomine sacramenti pro se et suis heredibus promisit numquam in premissis contravenire verbo vel facto, renuntians insuper omni iuri actioni con[súe]tudini^a) statuto edito vel edendo litteris inpetratis vel inpetrandis restitutioni in integrum et omni au[xi]lio^a) generaliter legum et canonum, per que premissa possent aliqualiter irritari. In huius rei [tes]timonium^b) presentes litteras ad petitionem prefati Wilnhelmi sigillo curie Constantiensis patenter tradimus communitas. Actum et datum Constantie anno domini M°.CCC°. XL secundo, in vigilia assumptionis beate et gloriose virginis Marie, indic. decima.

Source Fulltext: Chartularium Sangallense VI, Nr. 3822, S. 386-387.