Allen den, die disen brief an sehent, lesent oder ho^erent lesen, kúnden wir Růdolf der Giel von Helfenberg, || V^olrich vnd Hainrich die Giel von Glatburg vnd vergehint offenlich an disem brief fúr v´ns vnd || fúr alle v´nser erben, daz wir v´ns enzigen habint vnd entzihen mit disem brief aller der reht, so wir || hetton oder haben mo^ehtin zů den gu^etern, dú hie nah geschriben stant, dez houes ze Edegswille, der maiger ho^ef ains ze Flawille, dez houes in der Guphen ze Flawille, der múli vnd dez múli gůtes ze Flawille, dez Lo^eblers gůt vffen den Eggan bi Scho^ennenlô¹ vnd dez zehenden ze [. . .]^a) vnd aller der gu^eter, sú sigen genempt oder vngenempt, der wir getrúwe trager gewesen sigen . . der aptischennen vnd dez conuentez gemainlich ze Maggenowe, dú wir och ze rehtem lehen enphangen hetten von . . dem apt dez gotzhus ze sant Gallen vnd sú gelihen hetton den vorgenanten . . der aptischennen vnd . . dem conuent dez vorgeschriben klosters ze Maggenowe vmb ain sta^eten zins ia^erklich ze geben von ielichem gůt sunderbar ain hůn. Dez selben zins sagent wir den vorbenempten . . conuent ledig vnd enzihen v´ns sin gantzlich an disem brief fúr v´ns vnd v´nser erben vnd alle v´nser nahkomen. Wa^er aber, daz wir da wider oder v´nser erben iemer v´t geta^etin oder tůn weltin, zo^b) enzihen wir v´ns allez dez rehten, da mit wir v´ns an gaistlichem oder an weltlichem geriht geschirmen mo^ehtin. Diz ist beschehen mit allen den dingen wort vnd werch, so dar zů gehort oder notdúrftig waz von reht oder von gewonhait. Vnd dar vmb daz diz allez war vnd sta^et vnd vnwandeber^b) belib, so henken wir die vorgeschriben Růdolf, V^olr. vnd Hainr. die Giel v´nsrú aigen insigel an disen brief. Der geben wart ze Maggenowe, do man zalt von gotz gebúrt drúzehen hundert jar, dar nach in dem zwai vnd vierzgosten iar, an dem na^ehsten fritag nach sant Mariun Magdalenun tag.

Source Fulltext: Chartularium Sangallense VI, Nr. 3818, S. 384.