Charter: Chartularium Sangallense 06 (1327-1347) 1343 IX 28
Signature: 1343 IX 28
Add bookmark
Edit charter (old editor)
28. September 1343, Zürich
Die Grafen Johann, Rudolf und Gottfried von Habsburg1 mit der Stadt Rapperswil und allem, was sie zwischen Zürich und Glarus besitzen (. . . mit . . dem vogte, . . dem râte vnd mit . . den burgern allen gemeinlich der burg vnd der stat ze Rapreswile2 vnd mit allen vnsern vestinen, hoeven vnd doerffern, mit lu|ten vnd mit guetern, so von Zu|rich der stat vf ietwederthalb den sêwen vntz an Glarus3 das lant . . .), schliessen ein Bündnis mit der Stadt Zürich. Darin wird u. a. bestimmt: Ovch sol man svnderlichen wissen, war vmb ein burgermeister vnd der rat Zu|rich oder der mere teil des râtes der selben stat sich erkennent vnd manent die vorgenanden graven, ir erben vnd ir nachkomen, . . den vogt vnd den rat ze Rapreswile, ald ob nich râtes ze Rapreswile ze den zîten were, so sol man die burgere vnd die eitgenossen offenlich manen in der kilchen ze Rapreswile, es si vmb helffe, vmb an griffen ald vmb dekeiner leije notdurft, so sich . . der burgermeister vnd . . der rat Zu|rich danne erkennet hant.Da wider so hant . . der vogt vnd . . der rat oder der mere teil des rates ze Rapreswile ovch mvgent vnd gewalt ze manenne vmb ir herren, vmb ir burger vnd vmb alle die, so die vorgenanden graven angehoerent vnd in dirre bv|ntnv|sse sint, notdurft vnd gebresten, vnd war vmb sich deweder teil dirre bvntnv|sse erkennent ze manenne,die manvnge sol ietweder teil, die da mvngenta) vnd gewalt hant ze manenne, gendem andern tvon mit offen brieven, vnd war vmb man ermant hat, das sv|ln die, so ermant sint, . . .b). . . ir nachkomen, ir lant ald ir lu|te, die burgere vnd dv| stat ze Rapreswile ald der rat vnd die burgere der stat Zu|rich ieman geltschulde vsrichten sv|ln, der man gichtig ist, das sol ovch ie der herre oder dv| stat tvon.. . . Man sol ovch svnderlich wissen, were das dekein stôs alder zerwerfnv|ste vnder dem burgermeister, . . den rêten ald vnder den burgern Zu|rich vf stvende, also das man Růd. Brvˆn, der ietzent Zu|rich burgermeister4 ist, ald welche iemer Zu|rich burgermeister, rête oder zvnftmeister werdent, von ir eren vnd von dem gewalte der gerichten, so si mit zv|nften vnd mit andern rechten nach ir stat notdu|rft gesetzet vnd geordent hant, triben, schaden, krieg ald vnlust an legen wolte, es were heimlich oder offenlich, mit worten ald mit werken, ald rat oder helffe dar zů gibt, da hat . . der burgermeister Zu|rich, es si dirre, der ietzent meister ist, oder welher iemer burgermeister Zu|rich wirt, allein gewalt ze manenne die graven, ir erben vnd ir nachkomen, den vogt, . . den rât, . . die burgere ze Rapreswile vnd .. die andern alle, so ze dirre bvntnv|sse hoerent, ze wendenne vnd gantzlich ab ze legenne alles das, so wider in vnd wider dv| gerichte ir nv|wen gesetzeden vnd ordenvnge ist, ald sich da wider erhaben hat.. . . Aber sol man fu|rbaz wissen, das wir die vorgenanden graven globt vnd gesworn vnd mit bedingoten worten beret vnd verheissen haben fu|r vns selben, fu|r vnser erben vnd fu|r alle vnser nachkomen, das wir weder stat noch burg ze Rapreswile noch enkein rechtvnge, so dar zů gehoert, si sin klein oder gros, wie si genemmet ist, inrent den ringmvren niemer versetzen noch verkovffen noch enkeinen weg angriffen noch verkv|mbern sv|ln âne des burgermeisters, der rêten vnd . . der burger Zu|rich vrlop, gvnst vnd gůtem willen, wan das dv| selbe burg vnd stat mit lu|ten vnd mit gůte vnd mit allen den rechten, so inrent den ringmvren dar zů gehoert, in vnser vnd in aller vnser erben vnd nachkomen handen vnd gewalt iemer mere beliben sol, durch das wir, vnser erben vnd alle vnser nachkomen dester fu|rbas bi gewalte, bi êren vnd bi gůte beliben mvgen.Wêre aber, das wir, vnser erben ald vnser nachkomen vnser gelu|pte vnd êren her an vergessen wolten, da vor gottes kraft si, vnd da wider tvon oder schueffen getan, da wider sol man offenlich von vns wissen, das wir dem vogte, . . dem rate vnd . . den burgern ze Rapreswile vnd allen ir nachkomen, welche iemer voegte, . . rat ald burgere ze Rapreswile werdent, erlovbet vnd geheissen, wan wir sin nicht embern wolten, das si sich des bi dem eide, so si der bvntnv|sse gesworn hant, als ovch wir gesworn haben, werren vnd da wider sin mit aller der kraft vnd mvgent, so si erlangen mvgen, vnd mit enkeinen sachen vertragen noch gestatten, daz si von vnser herschaft noch von vnsern erben vnd nachkomen, die von vnser linigen erborn sint oder noch erborn werdent, handen noch gewalte niemer verkovffet versetzet noch enkeinen weg empfroendet werden, wan das si das werren vnd wenden sv|ln, als verre in lip vnd gůt erlangen mag, vnd noch danne so sv|ln in dar zů . . der burgermeister, . . die rête vnd . . die burgere Zu|rich vnd die andern vnser lant vnd lu|te vnd alle die, so ze dirre bvntnv|sse hoerent, gerâten vnd beholffen sin vf den eit, als lange vnd alle die wile, vntz das dv| getat erwendet vnd gantzlich abgeleit wirt. . . . Es ist ovch in dirre bvntnv|sse svnderlich gesetzet vnd mit vsgenomen worten bedinget, durch das dise bvntnv|sse jvngen vnd alten vnd allen den, so dar zů gehoert, iemer mere dester fu|rbas ze wissende vnd dester erkantlicher si, das wir die . . obgenanden graven, vnser erben ald vnser nachkomen, . . des vogtes . . des rates vnd der burger von Rapreswile gůten botten, die mit namen dar zů erwellet werdent, aber wir die egenanden graven ald vnser erben vnd nachkomen mit vnser selbes liben, ob vnser dekeiner inrent landes ist, vnd ovch . . der burgermeister, . . der rat vnd . . die burgere der stat Zu|rich, ald ovch ir erbern botten, die von dem rate dar zů bescheiden werdent, ie ze drin jaren vf dem meijen tag ald vor ald nach, wanne sin ein teil dirre bvntnv|sse von dem andern teile ermant wirt, ze samen sv|ln komen an ein stat, dar der bvntnv|sse danne aller komelichest ist ze farenne, ald an die stat, dar der tag danne von beiden teilen bescheiden vnd genomen wirt, vnd sol man da dannen dise bvntnv|sse vnd dv| stucke dirre eitgenosschaft ernv|wern vnd erlu|chten mit wortenvnd mit geschrift vnd mit allen dingen, so danne notdu|rftig sint ze tvonne, vnd mitnamen was ob sechtzehen jaren alt ist ze den zîten worden, die sv|ln dis bvntnv|sse danne swerren in ietwederm teile stête ze haltenne, als vorgeschriben stat.. . .Vnd vor allen dingen so ist in dirre bvntnv|sse das beret, das . . der burgermeister, . . der rat vnd die burgere der stat Zu|rich . . dem vogte, dem rate vnd den burgern ze Rapreswile gerâten vnd beholffen sin, wanne si von in dar vmb ermant werdent, als vorgeschriben ist, wan allenc) gegen den vorgenanden graven Johs., graven Růd. vnd graven Goetfrit von Habspurg noch gen ir erben noch gen ir nachkomen, gegen den sol man in niemer beholffen sin, wan ovch das selbe stuck vsgenomenlich beredet wart, do dise bvntnv|sse geschriben vnd geordent wart.Aber dem stuck, ob man Rapreswile burg vnd stat ald dekein rechtvnge, so dar zů inrent den ringmv^ren gehoert, versetzen, verkovffen oder dekeine wîse von der vorgeschriben herschaft empfroemden woelte, dar vmb sv|ln der burgermeister, der rat vnd . . die burgere der stat Zu|rich . . dem vogte . . dem rate vnd . . den burgern von Rapreswile geraten vnd beholffen sin, als ovch vor an disem brieve vber das selbe stuck eigenlich geschriben stat.Vnd hier vber ze einer steten sicherheit vnd ze einem êwigen vrkv|nde aller der dingen, worten vnd stucken, so vorgeschriben stant, so haben wir die vorgenanden graven alle drije mit vnsern insigeln vnd ovch wir . . der rat vnd die burgere ze Rapreswile vnd wir . . der burgermeister, . . der rat vnd die burgere Zu|rich vnser stetten insigel an dirre brieven zwêne geliche geschriben gehenket offenlich.Source Regest: Chartularium Sangallense VI, Nr. 3848, S. 404-406 (Ruser I, 525.).
Abschr. (B), etwa gleichzeitig, Staatsarchiv Zürich, B III 2 (Quodlibet), S. 25.
Editions:
- Mitt. der Antiquar. Gesellschaft in Zürich 31/5 (1936), S. 163, Nr. 19. - Quellenwerk I/3, 476.
Language:
Notes:
a) B. - b) Ende der Seite, die nächste Seite bringt nicht die Fortsetzung des Textes, ein oder mehrere Blätter fehlen in B. - c) B, statt allein. - 1 Johann II. (1337 - + 1380), Rudolf IV. (1337 - + 1383) u. Gottfried II. (1337 - + 1375) v. Habsburg-Laufenburg. - 2 Rapperswil, Bez. See. - 3 Glarus, Tal u. Kt. - 4 Rudolf Brun, 1336 - + 1360 Bürgermeister.
Places
- Zürich
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
