Allen den, die disen brief an sehend lesend oder ho^errend lesen, kúnd ich Hvg von Luterberg¹, daz || ich reht vnd redlich ze ko^vffen han geben fúr reht eigen dem erwirdigen herren von gottes gena||den abt Johans des gotzhus ze sant Johan in Turtal² vnd dem conuent gemeinlich fúr reht eigen || dis nah gescriben lúte, Judentun^a) der Milerin kint, dú V^olrich des Weibels von sant Johan³ elichv´ wirten was, vnd Elzbetun iro swester vnd der kint, sú sien worden alder sv´ werden noch, vmb aht pfunt pfenning Kostenzer múntz, der ich gar vnd gantzlich gewert bin vnd in minen redlichen nutz komen sint, vnd o^vch der lút wer sol sin an geistlichem vnd an weltlichem geriht, wa alder wenne sin das gotzhvs bedarf, vnd vnzih mich aller der rechtung vnd ansprach fúr mich vnd min erben, so ich alder min erben zv^o den vorgenanden lúten kein weg gehaben mohten, o^vch fúrgehend Wilnhelm vnd Růdolf von Luterberg⁴ gebrůder offenlich an disem brief, daz wir v´ns vnzigen hant aller der rehtung vnd ansprach, so wir alder v´nser erben kein weg iemer gehaben mo^ehtin an den vorgenanden lúten. Ich Hvg vnd Wilnhelm vnd Růdolf von Luterberg gebrůder fúrgehen aller vorgescriben dingen fúr v´ns vnd fúr v´nser erben nu vnd har nah stete ze haben, vnd ze einem offen vrkúnd aller vorgescriben dingen so henken wir v´nser eigen insigel an disen brief. Der wart geben ze Lútispurg⁵ in der burg, do man zalt von gottes gebúrte drúzehen hvndert jar, dar nah in dem vier vnd vierzigostem iar, an dem nehstem zistag vor der vfart.

Source Fulltext: Chartularium Sangallense VI, Nr. 3887, S. 436.