Wir Ludowig von gottes genaden Romischer kaiser ze allen ziten merer des richs || veriehen fur vns vnd vnser nachchomen an dem riche kunig oder kaiser offenlichen mit disem || brief, daz wir den erwirdigen Herman abte des gotzhuses zů sant Gallen vnsern lieben fúr||sten vnd sin nachchomen aller der gelivbde, die er vns getan hat vmbe die veste Plattun, ledig gelazzen haben mit disem brief, wan er vns die vest A^emptze gewnnen hat vmbe hundert march silbers, die er dem von Amptze gar vnd gantzelichen bezalt hat. Ze vrchunde dis briefs. Der geben ist ze Lantzhůt¹ an sant Martins tag, do man zalt von Kristus gebúrt drivzehenhundert iare, darnach in dem fúnf vnd viertzigstem iare, in dem ainem vnd drizzigstem iare vnsers richs vnd in dem achtzehendem des kaisertůms.

Source Fulltext: Chartularium Sangallense VI, Nr. 3956, S. 495.