Wir Eberhart¹ etc., das der erber man V^olrich der Nater von Bernang² mit vnserm gůtem etc. recht vnd redlich ze koffen geben ha^vt vnd git ze koffent mit disem brieff der erbern tochter Katrinen von Go^essowe³ frow Adelhait Stro^elin von Costentz junckfrowen zwenn som wisses berichtz wines Costenntzer messes ja^erliches geltes vsß sinem wingarten genant das Hinder Lo^e4 gelegen ze Bernang ain juchart, daran ainhalb stost an Spa^etzins acker von Costenntz vnd andrent vnser wingarten, ze ainem rechten vnd redlichen libding vmb X pfund pfening gůter vnd gena^emer Costenntzer pfening, die er von ir enpfangen etc., mit so^elichem gedinge, das er vnd alle sin erben vnd nachkommen, in der hant der selb wingart yemmer kump, der selben Katrin alle jar ze herpst, so man gewimdemet, in den to^erglen ze Bernang zwen som wisses berichtes wins Costenntzer meß des besten, so in dem vorgenanten wingarten wirt, in ir win vaß gen vnd antwurten sont, die wil si lept vnd nit fu^ero on allen fúrzug vnd an alle geva^erd, weles jares aber so vil wins nit in dem wingarten wurd, das si ir lipding richten mugent, so sond si ir^a) doch gen, was darinne wirt, vnd das v´brig ze dem na^echsten herpst gen, so darnach wirt, mit dem, so denne des herpstes wirt ouch geuallet. Ta^ettin si des nit, so^b) ir der vorgenant wingart vmb das versessen ze pen ze libding geuallen sin vnd sol den denne besetzen vnd entzen^c) vnd niessen die^d) wil si lept vnd nit fúro, vnd wenne si enist, so sol er^e) denne wider an den selben V^olrich vnd sin erben vnd nachkomen vallen vnd núnt^e) an ir erben, vnd sol vnserm gotzhus das selb libding kain schad sin an stúr noch an andrem diensten. Dis alles ist beschechen mit allen den worten etc. Vnd des ze warem etc. Datum anno XLVI° feria quarta post diem pascat.

Source Fulltext: Chartularium Sangallense VI, Nr. 3976, S. 507-508.