Allen den, die disen brief sehent oder ho^erent lesen, kv´nden wir . . der burgermeister . . der rat vnd . . die burger || alle gemeinlich der stat Zv´rich vnd vergiehen offenlich, als die erbern wisen lv´te . . der amman . . der rat || vnd . . die burgere gemeinlich der stat ze sant Gallen sich zv^o vns vnd zv^o den burgern ze Kostentz || vnd ze Schafhvsen¹ mit einer verbvntnv´sse verbvnden hant² vntz ze der nechsten sant Martis tag vnd von dannenhin die nechsten drv´ jar ane vnderlaz, daz wir vnd die andern stette, so zv^o der selben verbvntnv´sse geho^erent, den burgern von sant Gallen vsgelassen habent daz stvke, were daz si inrent den ziln dekeine zit ane rat in ir stat weren, welhe burger si danne von ir stat erkiesent, ir burger vnd ir stat ding ze enpflegenne, daz die svln mvgent vnd gewalt han, sich vmb ir burger ding ze erkennene ze manenne vnd alle ding ze tv^onne, als in den bvntbrieven gegen eine(m) rate verschriben stant. Vnd des stvkes ze vrkv´nde so han wir vnser stat insigel offenlich gehenket an disen bur^a). Der geben wart an dem nechsten samstag nach aller helligen tag, anno domini CCC°.XLVII°.

Source Fulltext: Chartularium Sangallense VI, Nr. 4054, S. 571.