Wir Karl^a) von gots gnaden Ro^emischer^b) kung zu^e allen ziten merer des richs vnd kung zu^e Be||heim^c) veriehen vnd tůn kunt offenlich mit disem brief allen den, di in sehent horent odir || lesent^d), daz wir angesehn haben getrewin willigen vnd steten dinst, den vns vnd dem rei||che der erwirdige Herman abt zu sant Gallen¹ vnser lieber furste offte vnuordrozzenlich getan hat vnd noch tůn sol vnd mag in kumftigen ziten. Darumb geben wir vnd verlihen von vnserm kunglichen gewalt vnd von besundern genaden sinen burgern der stat zu^e Wil^e)2 sulche gnade, daz si nimant andirswo in dhein geriht laden noch beclagen mage noch sol vmb dheinerlei sache, im wurde dann des ersten von dem schultheisen vnd fur dem gerihte zu^e Wil^e) reht versagit. Mit vrchund dis briefes, der geben ist zu^e Nurnberch, dar man zalt noch Cristes geburt dreuzenhundert iar, in dem aht vnd virzigesten iare, an dem nehsten fritag nach sant Valentins tag, in dem andern iare vnserr riche.

Source Fulltext: Chartularium Sangallense VII, Nr. 4072, S. 6.