Allen den, die disen brief ansehent oder ho^erent lesen, tůn ich Johans || von Bútziswille¹ kunt vnd vergich offenlich an disem brief, das ich wille||clich mit bedahtem můt verhengt hab vnd verhengnust gib mit disem || brief Elsbethen miner elichen wirtinnen, das si vollen vnd gantzen gewalt hât vnd haben mag, ainen vogt ze nemen, wen si wîl, das es min gůter wille ist, v´ber disú nâchgeschribnú gu^eter, v´ber das gůt, das man nemmet des Bútzenswillers gůt, gelegen ze Rikenbach², vnd v´ber das gůt, das ich hab ze Huntzikon³, vnd das si dú vorgenemten gu^eter mit ir vogt, wen si denn genimet, vor minem gena^edigen herren abt Herman abt des gotzhus ze sant Gallen⁴ uf geben mag vnd sol offenlich vôr geriht nâch gemainer vrtail. Vnd des ze ainem wâren offen vrkúnd so hab ich der vorgenemt Johans von Bútziswille min insigel gehenkt an disen brief. Der geben ist in dem jâre, do man zalt von gottes gebúrt drúzehen hundert jâr, vierzig jâr vnd dâr nâch in dem ahtoden jâr, an dem na^ehsten zinstag nâch sant Laurencies tag.

Source Fulltext: Chartularium Sangallense VII, Nr. 4096, S. 29.