Allen den, die disen brief ansehent oder ho^errent lesen, kúnde ich Herman von der Braitenlandenberg¹ ritter vogt || ze Bischofcelle² vnd vergihe des offenlich an disem brief, das fúr mich kam Ma^ehthilt eliche tohter Růdolfs sa^eligen des || Kesselers von Zukkenriet³, do ich offenlich ze geriht sazze ze Bischofcelle in der stat, vnd offenot da mit fúrsprechen, || si wolte sich entzihen aller der ansprach vnd des rehten, so si hatte oder gehaben mohte von den êrbeschaft wegen des vorbenemten Růdolfes des Kesselers sa^eligen von Zukkenriet irs vatters, gen der a^eptissinun vnd dem conuente ze Maggenowe⁴ vnd gen Cůnraten dem Kesseler ir brůder vnd sinen erben, vnd batte mich ir eruarn an ainer vrtailde, wie si das tůn so^elte,||
daz es kraft hette nu vnd her nach, das tet ich vnd fragt vrtailde vmb. Do wart ertailet mit gesamnoter vrtailde, daz si das geriht v´ber die sache beuogten so^elte, vnd wart ir ze vogt geben mit Hansen des Juden ir elichen wirtes willen vnd gunst der veste ritter herr Burkart von Ramswag⁵, vnd wart ertailet mit gesamnoter vrtailde, das si der dristunt von dem geriht fůrti vnd si fragen so^elte, ob si das entzihen willeklich vnd vnbetwungenlich tůn wo^elte, daz tet er, do sprach si alweg, daz si es gern vnd vnbetwungenlich tůn wo^elte. Vnd entzehe sich dú vorbenemte Ma^ehthilt dú Kesselerin mit miner des vorbenemten von Landenbergs hant vnd mit des vorgenanten ir vogtz willen vnd gunst aller der ansprach vnd des rehten, so si hatte oder gehaben mohte von ir vatter wegen des vorbenemten Růdolfs sa^elgen des Kesselers von Zukkenriet, in der vorbenemten a^eptissinun vnd des conuentes hant ze Maggenowe vnd in des vorbenemten Cůnrates des Kesselers vnd siner erben hant. Vnd daz dis alles wâr vnd sta^et belibe, so henke ich der vorbenemt Herman von der Braitenlandenberg ritter vogt ze Bischofcelle min aigen insigel an disem^a) brief ze ainem wâren vrkúnde aller vorgeschriben dinge. Ich der vorgenant Burkart von Ramswag ritter vogt in dirre sache vergihe ainer gantzen warhait aller der dinge, so hie vor von mir an disem brief geschriben stat. Vnd des ze ainer merer sicherhait vnd sta^eter vestenung henke ich min aigen insigel an disen brief. Der geben wart ze Bischofcelle in der stat, do man zalt von gottes gebúrt drúzehen hundert jar, vierzig jar vnd darnach in dem achtenden jar, an dem nechsten donstag nach sant Vrbans tag.

Source Fulltext: Chartularium Sangallense VII, Nr. 4085, S. 17-18.