Wir graf Eberh. von Kyburg¹ lantgraue ze Búrgenden² vnd graf Hartman sin svn³ vergehen offenlich vnd tu^en kunt alrmen||lichem mit disem briefe, daz wir sament vnd vnverscheidenlich wolvorbedacht vnd betrachtet durch v´nsern offenn nutz vnd not||durft in ewiges ko^vfes wise verko^vfet vnd hingegeben hein vnd in dem hofe ze Rorbach⁴ recht vnd redlich mit hant vnd von || munde vffgegeben hein mit aller der gewarsami, so dar zů ho^eret, hern Thúringe von Brandeys⁵ friien rittere den zehenden geheissen vnd gelegen in der Wissachon⁶, den v´ns ze ko^vfende gab Heinr. Geil von Hutwil⁷ der alt vnd v´ns inn och vffgab in dem hofe ze Rorbach vorgenant, won er erbgůt ist von der stift vnd gottzhuse von sant Gallen, dem der selbe zehende ze rechtem erbzinse sechzehen Schillinge gemeiner Burgdorfer⁸ phen(ninge) ierlich giltet, vmbe drúhundert phunt gůter vnd gemeiner phen(ninge) der egenanten múntze, die v´ns von dem vorgenanten hern Thúringen in gezalten phen(ningen) gentzlich gegeben sint vnd in v´nsern nutz bekeret, dez wir vergehen an disem briefe, ime vnd sinen erben den vorgenanten zehenden alz friies vnd bewertes erbgůt von disshin iemerme ze habenne ze niessenne ze besitzenne ze besetzenne vnd ze entsetzenne vrilich vridlich vnd růwklich mit allem dem nutze rechtunge vriieheit gewonheit vnd eheftigi, so dar zů ho^eret oder ie da har vntz an disen hútigen tag dar zů geho^eret hat, an alle geuerde, vnd binden v´ns vnd v´nser erben, dem vorgenanten hern Thúring von Brandeys vnd sinen erben dez egenanten zehenden fúr vriies erbgůt recht ewig vnd gůt werschaft ze leistenne vnd ze haltenne in v´nser eigener kost an allen stetten vnd gerichten geislichem weltlichem vnd vssrent gerichten, wa wenne vnd wie dike es inen notdúrftig wirt vnd si es an v´ns oder an v´nser erben vorderent, vestenklich wider menlichen, vnd erziehen^a) v´ns fúr v´ns vnd fúr vnser erben in hant dez egenanten hern Thúrings vnd siner erben alles dez rechtes vordere vnd ansprache, so wir oder v´nser erben an dem egenanten zehenden in keinen weg hatten oder haben mochten, vnd aller der dingen vnd vsziehunge vnd fúnden, die nu funden sint oder hie nach funden mo^echten werden, da mitte wir oder v´nser erben den egenanten hern Thúringen oder sin erben vff dem vorgenanten zehenden bekúmerren oder angesprechen mo^echten, an keinen stetten oder in keinen weg bi gůten vnd ganzen truwen an alle geuerde. Hie bi waren dise, die diz sahen vnd horten, her Johs. von Sůmolzwalt⁹, her Peter von Matstetten¹⁰ schulth(eiss) ze Burgdorf rittere, Heinr. von Eggenwile¹¹ v´nser vogt ze Lantzhůt¹² vnd ander erber lúte. Vnd ze einem offenn vrkúnde dirre dingen so hein wir graf Eber, von Kyburg vnd graf Hartm. sin svn vorgenant v´nsrú ingesiglú fúr v´ns vnd fúr v´nser erben gehenket an disen brief. Der gegeben wart ze Burgdorf an dem nechsten fritage vor sant Johs. tage ze súngicht dez iares, do man zalte von gottes gebúrte drúzehenhundert vierzig vnd nún jar.

Source Fulltext: Chartularium Sangallense VII, Nr. 4125, S. 52-53.