Allen den,^a) disen brief an sehent oder ho^errent lesen, kúnd ich Vrselle von Rosenberg wilent elichú wirtinn Eglolfs sa^eligen von Rosenberg¹ vnd vergich offenlich an disem brieff fúr mich vnd fúr alle min erben, das ich Hansen Hainrichs Singenbergs² sun v´nsers ammans geben han Adelhaiten Margarethen sa^elgen tochter von Ramswag, Eberlis Peters schwo^ester von Ramswag³, vnd han dem vorbemten^b) Hansen ze der ebenemten Adelhaiten geben alles daz gůt, so^c) je ir můter gelassen hett, es sy ligentz ald varentz, aigen ald lehen, daz von mir ald minen kinden lehen ist, in allen den rehten, als es och ir můter hett. Vnd des ze ainem waren sta^eten vrkv´nd henk ich min aigen insigel fúr mich vnd min erben an disen brief. Der geben ward ze Bischofzelle⁴ in der stat in dem jar, do man zalt von gottes geburt drúzehen hundert jar, darnach in dem fúnfzigosten jar, an sant Simons vnd sant Judas abent.

Source Fulltext: Chartularium Sangallense VII, Nr. 4190, S. 106-107.