Allen den, die disen brief an sehent oder ho^erent lesen, kúndent wir brůder Růdolf von Fridingen comentúr vnd . . die brůder gemainlich des hus || ze Tobel¹ vnd vergehent des offenlich fúr v´ns vnd alle v´nser nahkomen, daz wir mit gemainem rat vnd von notdurft wegen vnsers hus verkoft hant || reht vnd redlich ze ainem rehten ko^vf den zehenden ze Lomas² an korn vnd an ho^ew, den man nempt des Gebraiters zehendenden^a), vnd den zehenden ze Wingar||ten³ an korn, vnd sehs viertal kernen vnd zwen mut habern vs der hub ze Lomas, vnd vs dem gůt ze Lomas, dem man spriht des Ru^edlingers gut, drú viertal kernen vnd ainen mut habern, vnd vs des Gassers gůt drú viertal kernen vnd ainen mut habern, vnd zů dem hof ze Aineden⁴ zehen viertal kernen, alles Wiler⁵ messes vnd ja^erlichs geltes. Dis obgeschribenn zehenden an korn vnd an ho^ew vnd gelt oder gu^eter hant wir alles ze ko^vffen geben reht vnd redlich fúr ledig aigen dem edeln herren graf Ffriderich von Tockenbvrg⁶ vnd sinen erben fúr v´ns vnd alle v´nser nahkomen vmb hundert phunt vnd sehszig phunt vnd drissig schilling alles gůter phenning vnd gemainer Costentzer múns, der wir gar vnd gantzlich von im gewert sint vnd in v´nsers hus redlichen nutz bekeret sint. Wir hand och dem egedahten edeln herren graf Ffriderichen die obgeschribenn zehenden an korn vnd ho^ew vnd gelt oder gu^eter geben vnd gebent mit disem brief fúr aigen reht vnd redlich mit allen zůgeho^erden vnd mit allen in allem dem reht nútzen vnd gewonhaitten^b), so zů den selben zehenden von korn ho^eret alder geho^eren sol von reht oder gewonhait vnd als wirs vntz her braht gehebt vnd genossen hant, vnd mit allen den rehten, so sú ietz hant oder noh funden werdent, vnd entzihent vnd verzihent v´ns fúr v´ns vnd alle v´nser nahkomen alles des rehten vnd ansprach, so wir oder v´nser nahkomen iemer an die obgenanten zehenden gelt oder gu^eter gehan oder gewinnen mo^ehtind an gaischlichem oder an weltlichem geriht oder in kaines weges, daz es dem obgeschriben edeln herren . . oder sinen erben schad gesin mo^eht. Wir bindent och v´ns vnd v´nser hus vnd alle v´nser nahkomen dar zů mit disem^c), daz wir diser vorgeschribener zehenden geltz oder gu^eter reht wer sin sont an gaischlichem vnd an weltlichem geriht fúr aigen vnd an allen stetten nah reht, wa sin der obgenant edel herr graf Ffriderich oder sin erben notdurftig sint. Vnd des ze warem vnd offem vrkúnd diser ding vnd dis ko^effes so henke ich der obgenant brůder Růdolf von Fridingen comentúr des hus ze Tobel min aigen insigel an disen brief, zů dem wir die brůder gemainlich des selben hus ze Tobel v´nsers hus insigel och gehenket hant an disen brief ze merer vestnung des obgeschribenn ko^vffes ding. Der ze Tobel in v´nserm hus geben ist, do man zalt von Cristes geburt drúzehenhundert jar vnd dar nah in dem ainvndfúnftzgesten jar, an dem samstag ze vsga^ender phingstwochen.

Source Fulltext: Chartularium Sangallense VII, Nr. 4220, S. 130-131.