Die Huber des Dinghofs zu Fischingen¹ offnen vor dem Notar die Rechte des Hofs, . . . das der probst von sant Gallen², der denn ie zů den ziten ist, alle jar im anefang des meyen komen mag zů dem dorff ze Vischingen mit einliff phêriden vnd mit einem mule vnd souil knechten, mit zwein hunden vnd einem habich vnd mag richten von den gu^etern des hofs vntz vff die nacht, ob er wil, also das man im mit einem scho^vbe enzúndet, ob er wil, also spa^et mag er richten vnd die gu^eter, die dem hof abgezogen vnd verstolen sint, dem hofe widerziehen vnd behaben, dem mit sinem gesinde vnd sinen phêriden dienen so^ellent der comendúr vnd die brůder des Tútzschen ordens des huses ze Basel³ ein nachtmal vnd einen imbis, vnd ob derselbe probst an dem anefang des meyen nit komet, so mag er aber in demselben manot komen, wenne er wil, doch also, das er sin zůkunfft in das dorff Vischingen dem richter desselben hofes ze Vischingen zitlichen gnůg verkúnde, vnd ist, das er den vorgeschriben manot v´bersitzet, das zů demselben dorff derselbe probst nit komet, von deshin die obgeschriben der commendúr vnd die brůder sind des jars gentzeklich entlidiget des imbis vnd des nachtmals gentzeklich des jars. Hierumb seiten si ouch dieselben hůber den dickgenanten probst des closters sant Gallen ein semlich recht ze habende in dem vorbenempten hofe, das eins jeglichen jars vff dem hochzit sant Gallen, so er kumet zů dem dorf ze Vischingen vnd samnen wil sinen zinse, das denn die vorgeschribnen hůber des dinghofes betzalen so^ellent fúr in ein nachtmal vnd einen imbis eins mit dem zinse, den si denne schuldig sint. Vnd ob deheiner daran súmig were, daz er sinen zinse nit betzalti, der sol betzalen die zerung^a), die der vorgenant probst tůt, also lang vntz das er im gnůg tůt an dem zinse, den er im denn schuldig ist, ouch also, das man im lihe von demselben hofe geleit, ob er sin bedarff, durch ein mile von dem obgenanten dorff . . . Es folgen die Rechte des Deutschordenshauses Basel als Inhaber von Zwing und Bann, u.a. . . . Dieselben Tútzschen herren mo^egent ouch die gu^eter des dingkhofes, die verstolen vnd abgezogen sint, wider an sich ziehen in alle weg ze glicher wise als der obgeschriben probst von sant Gallen . . . 

Language: Deutsch

Notes: