Ich graf Fridr. von Tokenburch¹ vergich vnd tu^en chunt offenlich fu^er mich vnd fu^er mein erben || vmb di^e vesti Martzenins², di^e mir mein gnediger herr der hochgebor^en fu^erst hertzog Albr. von || Oster.³ vmb di^e di^enst, di^e ich vnd mein erben im vnd seinen erben getan haben vnd fu^erbas || tu^en mûgen vnd sullen, ze rechtem lehen verlihen hat, daz wi^er erkennen vnd veriehen ouch, daz wi^er diselben vesti vnd was darzu^e geho^ert, von dem egenanten vnserm herrn dem hertzogen vnd von sinen erben ze rechtem lehen haben vnd daz si ouch derselben vesti Martzenins vnser recht lehen herrn sind, vnd sol ouch ich vnd mein erben oder wer diselben vesti von vnsern wegen innehat dem egenanten meinem herrn dem hertzogen vnd sinen erben vnd ir^en vogten an ir^er stat mit derselben vesti Martzenins ewichlich vnd wider aller mênchlich wartent vnd gehorsam sein dar in vnd dar vs ze lazzen zu^e allen ir^en vnd ir^e landes no^vtdu^erft, swann si daz an vns vordernt, das loben wi^er stête ze haben mit vnsern trew^en an aydes stat. Vnd des ze einem waren vnd offen vrkund aller diser ding so henk ich der obgenant graf Fridr. von Tokenburg fu^er mich vnd fu^er mein erben mein aigen insigel offenlich an disen bri^ef. Der geben ist ze Pruk in Argow^e4, do man zalt von Krists^e gebu^erd dreutzehen hundert iar, darnach in dem vi^er vnd fumftzigistem iar, an vritag nach sand Michels tag.

Source Fulltext: Chartularium Sangallense VII, Nr. 4375, S. 246.