Allen den, die disen brief an sehent oder horent lesen, kúnden wir V^olrich, Iohans vnd Růdolf von Bo^vnstetten¹ || gebrůder vnd veriehen offenlich an disem brief fúr^a) vnd v´nser erben vmb dú erbern frowen fro Adilh. || Bunitschinun Heinrich Bunitschen elichen tochter, dú v´ns an geho^ert vnd recht eigen ist, dú selben frowen || Heinrich Verenen von Obern Illo^vw² ze einem elichen wib genomen hat, der den erwirdigen herren den abt vnd den convent des gotzhus ze sant Johann in Thûrtal³ an geho^ert vnd eigen ist, das wir einwelleclich eines wechsels v´berein komen sint mit dem egenanten abt vnd den herren ze sant Johann, also dz wir alle die ansprach vordrung vnd rechtung, so wir oder v´nser erben nû oder hie nach iemer mêr von eigenschaft wegen zů der egenanten fro^vwen haben, ledig sagen vnd vf geben mit disem brief den vorgescriben herren dem abt vnd dem convent ze sant Iohann gegen der erbern frowen fro Adilh. Cůnratz von Rûmilicon⁴ elichen tochter, dú o^vch Heinrich Brúngger von Teilang⁵ genomen hat zů einem elichen wib, der v´nser recht eigen ist, mit dem gedinge, dz der egenant abt vnd der convent gemeinlich des selben gottzhus nû vnd hie nah von v´ns vnd v´nsern nachkomen iemer mêr ru^eweclich vnd vngemu^eget siient vnd dú egenante frowen von eigenschaft wegen niemer ansprechig haben súln. Vnd des ze einem waren vrkúnd der vorgescriben dinge so hant wir die obgenaten^b) von Bo^vnstetten v´nsrú eigen insigel gehenkt an disen brief. Der geben wart, do man zalt von gotes gebúrt drúzehenhundert vnd fúnfzig jar, darnach in dem fúnften iare, an dem nechsten sunnentag nach sant Gregoriien tag. Vnd sint da bi gewesen Růdolf der Aster von Lútispurg⁶, Iohans Keller von Elggo^e7, Wekerly der Amman, Iohans Smit von Volkiswille⁸ vnd^c) ander erber lúte.

Source Fulltext: Chartularium Sangallense VII, Nr. 4399, S. 259-260.