Ich Hans Ku^entzzelman burger^a) ze Chempten¹ tv^on kvnt vnd vergich offenlich an disem brief fúr mich vnd min erben allen den, die in an sehent lesent oder ho^erent lesen, daz ich mit || gůtem willen hab ze kouffend geben reht vnd redelich vnd vngeuarlich den ersamen lúten Albreht dem eltern Motzzen burger ze Chempten vnd Hainr. dem jungen Fiura^er von || Lyndowe² sinem swauger vnd iren erben vmb sibenhvndert guldin gůter vnd ga^eber Florin drizzig guldin minder, der si mich nutzlich gewert ha^vnt, min weingarten genant zem || Degelstain³ gelegen vor der stat ze Lyndowe zwischan . . dez Swartzzen vnd Hainr. dez alten Fiura^ers sa^eligen wingarten, mit dem wiger mit to^erggeln mit tailern mit zinsen mit gerihten mit erhaffti vnd mit allen den rehten vnd nútzzen vnd von alter vnd durch reht darzv^o geho^ert an holtze an veld an wasen an zwie an wasser besůchtz vnd vnbesůchtz ob erd vnd vnder der erd vnd mit den rehten vnd gewonhait, alz min o^eheim sa^elig Berth. der Motzze die selben weingarten vnd div selben gůt hat inne gehebt⁴ vnd genossen vntz an sinen tode vnd ich vnd min brůder sider sines todes. Ich hab in och die selben weingarten vnd div selben obgenanten gůt mit den vorgeschriben rehten vnd mit allen rehten vff geben vnd geuertigot vnd mit lehenschaft in ir vnd in ir erbo gewalt vnd hant brauht nach lehens reht mit mines gena^edigen herren hant abt . . dez erwirdigen fúrsten dez gotzhus ze sant Gallen⁵, mit dez willen gvnst vnd mit siner hant dirr kouff zv^o gangen ist vnd vollfu^ert. Darzv^o so sol ich vnd min erben ir vnd ir erbo ir reht geweren sin nach dem rehten vnd nach lehens reht der selbo weingarten der gut vnd och des kouffs. Vnd ze merer vnd bezzrer sicherhait so hab ich in zv^o mir daruff vnuerschaidenlich ze rehten geweren geben die ersamen lút Hainr. Liuppreht, Hansen den Wermaister, Chv^onr. Stumppen, Chv^onr. Fotzzen, den man nent den Kelna^er, vnd Johansen den Hússen, die ich der gewerschafft tv^on sol a^vn allen iren schaden vnd iren worten darvmb ze geloubend an ir ayde, ob si der gewerschafft ze schaden koment. Also vnd mit der beschaidenhait, ob in die selben Weingarten vnd div obgeschriben gůt von jemant anspra^echig wrdent mit dem rehten oder in an behebt wrdent mit dem rehten gar oder ain tau, ez wa^er vff gaischlichem oder vff weltlichem geriht, ee daz si die selben weingarten vnd div selben gůt besezzen hant nach dem rehten vnd nach lehens reht, daz sol ich vnd min erben vnd die obgenanten min geweren in vnd iren erben vssrihten a^vn allen iren schaden, vnd sont si darvmb verstan vnd versprechen vnd der ansprach ledig machen a^vn allen iren schaden. Tu^eien wir dez nit vnd mu^essent si sich selber darvmb verstan vnd versprechen, koment si da von ze redelichen schaden von klag von zerung von boten von pfandvng von versprechend, den selben schaden son wir in ab tv^on a^vn allen iren schaden, vnd habent gewalt vnd reht, mich vnd min erben vnd die vorgenanten geweren darvmb ze pfendent mit geriht oder a^vn geriht gaischlich vnd weltlichs vnd v´ber alle búnde vnd gesetzt dez lantfrids, den herren vnd stett gesetzt ha^vnt oder noch darúber setzend vntz vff die stvnde, daz in von vns ist vssgeriht a^vn allen iren schaden allez das, darvmb si vns gepfent ha^vnt. Vnd verzieh mich hiut ze tag fúr mich vnd min erben wider si vnd ir erben an den selben weingarten vnd an den selben gu^eten ze dem Degelstain aller ansprach aller geua^erd aigenschafft lehenschaft vnd reht, div wir ie daran gewnnen oder noch fúro gehaben mohtent, ez wa^er vff gaischlichem oder vff weltlichem geriht vnd an allen anderen steten, da ich oder min erben in oder iren erben den vorgeschriben kouff mohtent v´ber uaren oder gebrechen. Vnd des ze ainem waren vnd offenn vrckúnd von mir von minen erben vnd och von den vorgenanten minen geweren so gib ich dem obgenanten Albr. dem Motzzen, Hainr. dem Fiura^er sinem swauger vnd iren erben disen brief versigelt vnd geuestent mit minem aigen insigel vnd mit miner gewero insigel, vnder div ich vnd min geweren vns willenclich gebunden habent, allez das ze haltent vnd ze laistend vnd hie vorgeschriben stat. Dez kouffs vnd der sach sint geziug Hans von Lo^vbenberch⁶ vogt ze Rotenuels⁷, Hainr. der amman von Richenbach⁸, Hans der Motzze vnd Hans Fotzze der schriber. Der brief ist geben in dem jar, do man zalt von Christus gebúrt driutzzehen hvndert jar vnd dar nach in dem sibenden vnd fiunfftzzigosten iar vor dem palme tag ze ostron an dem na^ehsten mentag.

Source Fulltext: Chartularium Sangallense VII, Nr. 4473, S. 326-327.