Wir [Herm]an^a) von gottes gnâden abt¹, V^olrich von Ênna probst², Swigger von Griffen[stain custer³, Albreht von Zimmern camerer⁴, Geori von Wildenstain]^a) werchtegan⁵ vnd das cappittel gemainlich des gotzhus ze sant Gallen sant Benedicten orden Costentzer bistum[es kúnden]^a) || vnd v[eriehen]^a) offenlich an disem briefe fúr v´ns vnd fúr alle v´nser nachkomen allen den, die disen brief [sehent lesent oder ho^erent lesen, won der from vest ritter her]^a) Eglolf von Rosenberg⁶ v´nsers vorgenemten gotzhus dienstman von beschaider erkantnust vnd der gross trúw [wegen]^a), || so er zů v´nserm êgenemten gotzhus hatt, an v´ns vordrot vnd můtet, das wir im vnd Růdolfen⁷ sinem [sun sechszig phunt phenning ja^erliches geltes gůter Costentzer]^b) múns ze ko^vffen ga^ebint ze ainem rehten lipding, darumb das wir v´nserm gotzhus mit den pfenningen, so er v´ns dar||umb geben wolt, gewertú pfand, die vor vil jaren versetzt sint von v´nsren vordern, erledgotint vnd er[lo^vstint. Die]^a) selben [beschaidenhait vnd frúntlich gross trúw haben]^a) wir nach wisem rât phaffen vnd layen wol erkent vnd angesehen, also das v´ns gemainlich dunket, das er v´ns vnd v´nserm gotzhus daran als gross fúrdrung vnd trúw erzaigt hab^c), das wir im darumb sunderlich die gnâd getân habent vnd tu^ent mit [disem brief, das wir im]^a) vnd allen sinen vordern vergebent vnd varn lassent gantzlich vnd gar frilich vnd luterlich allen den schaden, den sú v´nserm gotzhus ie getân hant vntz uff disen húttigen tag, wir sigent sin wissent ald vnwissent. Darúber so haben wir v´nsers gotzhus dienst[lút vnd ander wis]^a) vnd êrber lút zů v´ns besent, vnd mit v´nserm vnd mit irem gemainen vnd ainmu^etigen rât so haben wir v´ns erkent vnd wolbesinnet, das v´nserm gotzhus gross nutz beschehe vnd wideruar, ob wir inen das vorgeschriben gelt [ze lipding ze ko^vffen]^a) gebin, vnd darumb nach der selben vorbetrahtung vnd wisem vnd getrúwen rât so haben wir ainhelklich fúr v´ns vnd fúr alle v´nser nachkomen dem êgenemten herr Eglolf von Rosenberg sechszig^d) phunt phenning ja^erliches geltes gůter Costentzer múns von allen den zinsen diensten vnd nútzen, so v´nser vorgenemt gotzhus, ân v´nser closterlêhen, ze Appacelle⁸ in dem ampt, ze Huntwille⁹ in dem ampt, ze Trogen¹⁰ in dem ampt, ze Túffen¹¹ in dem ampt vnd in dem sunderampt¹² hat, reht vnd redlich ze ko^vffen geben vmb sechs^e) hundert phunt phenning gůter Costentzer múns im vnd Růdolfen sinem êlichen sun ze ainem rechten lipding vnd in dem rechten vnd in den gedingen, als hie nach an disem brief geschriben stat, der vorgeschriben sechs^e) hundert phunt wir o^vch gantzlich vnd gar gewert sient vnd an baren pfenningen emphangen habint vnd an v´nsern vnd v´nsers gotzhus offenn vnd redlichen nutz bekert an den stetten, da wir gewertú pfand mit nútzlich erlo^est habint, vnd ist der vorgeschribenn ko^vf also beschehen, das die vorgeschribenn sechszig^d) phunt phenning aller ja^erlich von den ersten zinsen nútzen vnd diensten, die v´nser gotzhus in den vorgenemten a^emptern allen hat, wenn sú geuallent, dem êgenemten herr Eglolfen, die wil er lebot, vnd Růdolfen sinem sun nach des selben herr Eglolfs tod geuallen sont sin, vnd súllent wir vnd v´nser nachkomen den êgenemten her Eglolfen, die wil er lebot, vnd Růdolfen sinen êlichen sun, alle die wil der nach sines vatter tod lebot, der selben sechszig^d) phunt phenning gůter Costentzer múns ze ainem rehten lipding aller ja^erlich von allen den ersten zinsen nútzen vnd diensten, die v´nser vorgenemt gotzhus in den vorgeschribenn a^emptern allen hat, wenn sú geuallent, vor ûs vnd vor menlichem weran gantzlich vnd gar, also das sú des selben lipdinges gantzlich gewert sont sin uff den na^ehsten sant Hylarien tag vnd darnach aller ja^erlich uff sant Hylarien tag, vnd haben wir gelopt fúr v´ns vnd v´nser nachkomen mit v´nsren trúwen an aines aydes stat, das wir schaffan sont, das die amptlút, die wir ietz ze Appacelle, ze Huntwille, ze Trogen, ze Túffen vnd in dem sunderampt hant ald hie nach in den selben a^emptern gewinnent ald setzzent, ieliche lobe mit siner trúw an aines aydes stat, das sú den êgenemten herr Eglolfen, die wil er lebot, vnd Růdolfen sinem sun nach sinem tode, o^vch die wil der nach sines vatter tode lebot, der vorgeschriben sechszig^d) phunt phenning ja^erlich uff den vorgeschribenn^f) sant Hylarien tag von den vorgeschribenn zinsen diensten vnd nútzzen vor ûs vnd vor menlichem gewert súllent han gantzlich ze sant Gallen in der stat. Wir abt Herman da vorgenemt vnd die vorgenemten closterherren vnd das cappittel gemainlich habint o^vch gelo^vpt mit v´nsren trúwen an aides stat fúr v´ns vnd v´nser nachkomen, das wir noch die v´nsern noch ieman von v´nsren wegen den êgenemten herr Eglolfen, die wil er lebot, noch Růdolfen sinen sun nach sinem tode, o^vch die wil der selb Růdolf lebot, an dem vorgeschribenn lipding niht sumen schadgon mu^egen bekrenken noch irren sont in kainen weg noch mit enhainen sachan mit gaistlichem noch mit weltlichem gericht noch ân gericht noch von dehaines stosses noch misshelli noch krieges noch von enhainer sach wegen, die er ald sin êgenemter sun mit v´ns ald mit v´nserm gotzhus ald wir ald die v´nsern mit inen dehainost ze schaffan hettin ald gewunnin. Gescha^ech aber, das der êgenemt herr Eglolf ald Růdolf sin êgenemter sun mit v´ns ald mit v´nserm gotzhus ald mit der stat ze sant Gallen sto^ess ald krieg ald misshelli gewunnint ald dehainost hettint, von was sachan das wa^er, so súllent wir vnd v´nser nachkomen vnd v´nser amptlút dem êgenemten herr Eglolfen vnd Růdolfen sinem sun das vorgeschribenn lipding vnd gelt aller ja^erlich uff sant Hylarien tag, alle die wil die sto^ess ald krieg werant, gen Arbon¹³ ald gen Bischofcelle¹⁴, wederthin sú wellent, gantzlich weran vnd geben ân alle geua^erde, vnd ist o^vch das mit namen bedingot, das der êgenemt her Eglolf, die wil er lebot, vnd Růdolf sin sun nach des selben her Eglolfs tod, alle die wil der lebot, v´ns dem êgenemten abt Herman vnd v´nsren nachkomen, wele denn abt ald phleger ist, aller ja^erlich, so sú der vorgeschribenn sechszig^d) phunt phenning gewert werdent, ainen quit brief geben sont ân allen fúrzug, das sú der vorgeschribenn sechszig^d) phunt pfenning des jares gewert sient, so sú o^vch gewer[t wer]dent^a), als vorgeschribenn stat. Wir habin o^vch gelopt mit v´nsren trúwen an aydes stat, das wir enhainen herren ze stůl setzzen súllent, er lob dann vor vnd verbinde sich gen dem êgenemten her Eglolfen vnd Růdolfen sinem sun vmb das vorgeschriben lipding vnd von des selben lipdinges wegen, als o^vch [wir getân habin, als vorgeschriben]^a) stat. Wir súllent o^vch aller ja^erlichen des selben lipdinges ir wer sîn gen menlichem, wâ sú sin no^vtdurftig sint, als wir inen das selb lipding ze ko^vffen geben habint, als vorgeschribenn stat, aber gescha^ech v´ber dis alles, das der êgenemt her Eglolf, die wil er lebot, vnd [Růdolf sin sun nach sinem tode, o^vch alle die wil der sel]b^a) Růdolf [lebot, dehai]nes^a) jares der vorgeschriben sechszig^d) phunt phenning von den vorgeschribenn zinsen diensten vnd nútzen nút vor ûs vnd vor menlichem gewert wa^er gantzlich vnd gar uff den vorgeschribenn sant Hylarien tag, so haben wir dem selben êgenemten herr Eglolf vnd sinen helffern, wer die sint, die wil er lebot, vnd nach sinem tode dem êgenemten Růdolfen, o^vch die wil der lebot, vnd sinen helffern, wer die sint, aller ja^erlich nach sant Hylarien tag, wenn sú wellent, v´nsers vorgeschribenn gotzhus lút vnd gůt, ân v´nser closterlêhen, erlobt vnd erlo^vben vnd gebent in vollen gewalt vnd volles reht mit disem brief, v´nsers vorgenemten gotzhus lút vnd gůt, ân v´nser closterlêhen, ze pfendenn ze heftenn ze no^etenn an ze griffenn vnd ze haimenn, wie ald wâ ald wa hin sú wellent oder mugent, uff dem land ald in den stetten, mit gericht ald ân gericht, vntz das sú des vorgeschriben geltes vnd lipdinges, so in dann niht worden ist, vnd o^vch des schaden, in den sú vnd ir helffer von dis pfendens no^etens vnd angriffens in dehainen weg koment, wie sich das fu^eget, gantzlich gewert werdent, vnd sol v´ns noch v´nser gotzhus noch v´nsers gotzhus lút noch gůt hie uor niht schirmen weder gaistlich noch weltlich gericht noch des landes noch der stett reht noch lantfrit noch buntnust noch enhain frihait noch reht noch gewonhait, die wir habint ald erwerben mo^ehtint ald erwurbint von ba^ebsten ald die vnder den sint ald von kúngen ald von kaysern ald die vnder den sint. Der selben frihait reht gnâden vnd hilff aller haben wir v´ns fúr v´ns vnd alle v´nser nachkomen gen dem êgenemten herr Eglolfen vnd Růdolfen sinem sun vnd gen ir helffer gantzlich vmb das vorgeschribenn lipding vnd von des lipdinges wegen entzigen vnd entzúhent v´ns mit^g) disem brief. Es ist o^vch mit namen berett vnd bedingot, alle die wil der vorgenemt herr Eglolf lebot, das wir noch v´nser gotzhus noch ieman von v´nseren noch von v´nsers gotzhus wegen die wil dem êgenemten Růdolfen nihtes gebunden sient noch sin sont vmb das vorgeschriben lipding noch von des selben l[ipdin]ges^a) wegen, aber nach des selben herr Eglolfs tode so sol im das vorgeschribenn lipding vnd gelt ze ainem rechten lipding gantzlich warten vnd werden mit allen rehten búnden gelúpten vnd gedingen, als vorgeschribin stat, vnd wenn der selb herr Eglolf vnd Růdolf sin sun baid abgestorben sint, so sol dann das vorgeschribenn lipding vnd gelt zins nútz vnd dienst gantzlich v´nserm êgenemten gotzhus ledig sin vnd wir von des selben lipdinges wegen, also das enhain ir erben zů v´nserm gotzhus noch zů v´ns noch zů v´nsers gotzhus lút noch gůt von des vorgeschribenn lipdinges vnd geltes wegen enhain reht ansprach noch vordrung niemer me haben noch gewinnen sont an gaistlichem noch an weltlichem gericht noch ân gericht. Vnd ist dis alles beschehen vnd vollefu^ert mit allen den worten vnd werken vnd mit aller zůgeho^erd, als ez kraft hatt vnd haben sol nu vnd o^vch hie nach. Vnd des ze ainem waren vrchúnd vnd gantzer vnd sta^eter sicherhait aller der vorgeschribenn dinge vnd gedinge so haben wir v´nser vnd v´nsers conuentes insigel gehenkt an disen brief. Der geben wart ze sant Gallen in der stat an der na^ehsten mitwochen vor sant Mathias tag des zwelfbotten^h) in dem jar, do man zalt von gottes gebúrt drúzehenhundert jar, fúnfzig jar vnd darnach in dem sibenden jare.

Source Fulltext: Chartularium Sangallense VII, Nr. 4465, S. 315-318.