Allen den, die disen brief ansehent lesent oder ho^erent lesen, tůn ich Walther von Bichelse¹ kunt vnd vergich offenlich mit || disem brief fúr mich vnd fúr alle min erben, das ich von miner redlichen not wegen Hainrich den Nortman von O^etwille² || vnd Adelhaiten sin elichen tochter, die von dem gotzhus ze sant Gallen min lehen waren, mit lib mit gůt vnd mit allen || rehten verko^vft han vnd redlich vnd reht ze koffenn geben hân dem erwirdigen minen gena^edigen herren abt Herman³, sinen nahkomen vnd dem vorgenemten gotzhus ze sant Gallen vmb nún pfunt pfenning gůter Costenzer múns, der ich gar vnd gantzlich von im gewert bin vnd an minen nutz hân bekeret, vnd han och den selben Hainrich den Nortman vnd Adelhaiten sin tochter mit lib vnd mit gůt vnd mit allen rehten minem vorgenemten herren abt Herman, sinen nahkomen vnd dem gotzhus ze sant Gallen ufgeben vnd geuertgot, als reht sitte vnd gewonlich was, vnd hab mich darúber gen dem vorgenemten minem herren abt Herman, gen sinen nahkomen vnd gen dem gotzhus ze sant Gallen enzigen vnd enzich mich mit disem brief fúr mich, fúr alle min erben vnd nahkomen aller aigenschaft aller lehenschaft aller manschaft aller kuntschaft aller gewer aller zúgnúst lút vnd brief alles rehten gaistlichs vnd weltlichs gerichtes aller vordrung vnd ansprach, so ich von reht oder von gewonhait zů den vorgeschriben Hainrich Nortman vnd Adelhaiten siner tochter zů ir lib ald zů ir gůt ald daran hatte oder von dehainerlay sach hienach iemer gewinnen oder erwerben mo^echt. Ich Walther von Bichelse dauorgenemt hab och gelobt fúr mich, fúr alle min erben vnd nachkomen, des ko^vffes vnd der lút wer ze sinne nach reht gen menglichem an gaistlichem vnd an weltlichem gericht, wa oder wenne ald wie dik sin nin^a) vorgenemter herre abt Herman sin nahkomen ir amptlút ald die vorgenemten lút bedurfent ald darumb vfgetriben ald angesprochen werdent, das wir sú darumb ân allen fúrzug verstan vnd versprechen sont vnd von der ansprach entrihen ân allen iren schaden. Vnd ze offenem waren vrkúnd vnd sta^eten sicherhait diser vorgeschriben ding henk ich Walther von Bichelse dauorgenemt min insigel fúr mich vnd fúr alle min erben an disen brief. Der geben ist ze Wil⁴, do man zalt von gottes gebúrt drúzehenhundert jar, fúnfzig iar vnd darnah in dem sibenden jar, an dem na^ehsten fritag vor sant Angnesun tag.

Source Fulltext: Chartularium Sangallense VII, Nr. 4462, S. 311-312.