Wir grauff Hvg von Montfort genant von Thosters¹ tu^egind kvnt vnd vergehint offenlich fúr v´ns vnd fúr alle v´nser erben an disem brieff allen den, die in ansehint ald ho^erent lesen, das || wir mit gůtem wisen raut vnd mit gůter williger vorbetrachtunge dem vesten ritter hern Marqwart von A^embptzze² vnd Egelolff von A^embptzze sinem brůder, hern V^olrichs von A^embptzze sv´n, vnd || iren erben vier vnd zwaintzzig pfvnd pfennige genger vnd gůter Costentzer mv´ntz sta^etzz ia^erlichs vnd ewigs geltes vnd rechtz zins vss v´nseren siben hv^oben, die in dem Pregentzzer wallde³ an dem || Swartzzenberg⁴ sint gelegen, vnd von den lúten, die vff den selben hv^oben sint gesessen, vnd vss allem dem, so den selben lúten vnd hůben von recht ald von gewonhait zůgeho^eret, aines rechten redelichen vngeuarlichen vnd ewigen kouffes zekouffent habint gegeben, wie redelich vnd recht ist, vmb hundert pfvnd vnd vmb vier vnd nv´ntzzig pfvnd pfennige alles genger vnd gůter Costenzer mv´ntzze, der wir von inen nútzlich vnd gar vnd gentzelich gewert vnd bezalt sint nach v´nserm gůten willen vnd nútzze vnd des v´ns wol benu^egt hat, vnd sont si vnd ir erben des vorgenanten ia^erlichen geltzz von den vorgenanten siben hv^oben vnd von den lúten, die dar vff gesessen sint, hinnenthin ellú iar ie an sant Martis tage ze herbste gewert werden gar vnd gentzlich, vnd habint inen vnd ir erben die vorgenanten syben hůben mit allen rechten geuertgot vnd vffgeben vnd mit lehenschaft in ir hant vnd gewalt bracht nach lehens recht von dem erwirdigen herren . . dem abt vnd von dem gotzzhus ze sant Gallen⁵, dannen si lehen sint, als vmb semlich hůben vnd vmb so^elichv´ lehen gewonlich vnd recht ist zeuertgend a^vn geuerde. Vnd sv´llint wir vnd v´nser erben ir vnd iro erben vmb dis obgenant sta^et ia^erlich vnd ewig gelt vmb die hůben vnd dis lehens vnd ouch dis vorgeschribenn rechten redelichen ewigen kouffes recht gewa^ern sin nach recht, als man semlichs ia^erlichs geltz vnd so^elicher hůben vnd lehen vnd ouch semlicher ewiger ko^euff von recht wa^er sin sol, als recht ist, vnd ouch an allen den steten, da sv´ sin nach dem rechten bedúrffent vnd notdúrfftig werdent, es si vff gaischlichem ald vff weltlichem^a) gericht, a^vne geuerde. Vnd entzihent v´ns an dem obgenanten ja^erlichem gelte an den hůben vnd an den lúten, die dar vff sesshaft sint, vnd habint v´ns vnd alle v´nser erben dar an entzigen mit disem v´nserm offenn brieff aller vorderung aller ansprach aller aigenschaft aller lehenschaft vnd aller v´nser recht gaischliches vnd weltliches rechtes vnd gerichtes vnd aller der dinge, damit wir ald v´nser erben ald ieman anderre von v´nsern wegen hie widergetůn kúndint ald mo^ehtind, daz den obgenanten hern Marqwart vnd Eglolff von A^embtzze gebrůdern vnd ir erben an aller dirre sach scha^edelich ald wider weri, ald damit wir disen vorgeschribenn redelichen ewigen kouff gewenden krenken ald gebrechen mo^ehtind sust ald so. Vnd ist dirre kouff vnd disú vorgeschriben vertgung beschehen vnd vollefu^eret mit worten vnd mit geta^eten vnd mit aller der krafft, so von recht ald von gewonhait darzů geho^ert vnd notdúrfftig waz. Des vnd aller vorgeschribener dinge ze urkúnd der warhait vnd ze sta^eter ewiger sicherhait habent wir vorgenanter grauff Hug von Montfort den vorgenanten hern Marqwart vnd Eglolff von A^embptzze gebrůdern vnd iren erben disen brieff fúr v´ns vnd fúr alle v´nser erben mit v´nserm aigenen insigele geben geuestnet vnd besigelt. Der geben ist ze Lindôw⁶ an dem nechsten dvrnstag nach sant Jacobs tag des zwelffbotten nach Cristes gebúrte drútzehen hvndert vnd fúnftzzig iar, darnach in dem sibenden jar.

Source Fulltext: Chartularium Sangallense VII, Nr. 4494, S. 345-346.