Wir Karl von gots gnaden Romischer keiser ze allen zeiten merer des reichs vnd kunig ze Beheim enbitten || vnsern lieben getruwen dem burgermeister dem rat vnd burgeren ze sant Gallen vnser hult vnd alliz gut. Wir || heizzen vnd gebitten vch ernslich, daz ir vnserm lieben getruwen Hartman dem Maier von Windek² solich steur || gebent von vnser wegen auf diesen nehsten sant Martins tag, als ir vns gewonlich auf den selben tag schuldig seit ze geben, vnd sagen vch do mitte quit ledig vnd los der selben steur von diesem iar. Mit vrtkund ditz briefs versiegilt mit vnserm ingesigil. Geben zu Tachow³ nach Cristus geburt drutzenhundirt jar, dornach in dem syben vnd funftzgistem jar, an des heilgen sant Vits tag, vnser reich in dem eilften vnd des keisertums in dem dritten jar.

Source Fulltext: Chartularium Sangallense VII, Nr. 4484, S. 337.