Wir Herman von gottes gnâden abt des gotzhus ze sant Gallen¹ sant Benedichten ordens in Costenzer bystum thu^en kunt vnd veriehen offenlich mit || disem brief vmb die ho^ef Trúchtenhusen² vnd Zollinkon³, die der fro^vm ritter her Go^etfrid der Múller⁴ ze koffenn geben hât dien erbern wisen den || burgern gemeinlich der stat Zúrich, als die brief⁵ wol bewisend, so die selben von Zúrich hand von dem durlúchtigosten fúrsten v´nserm gene^adigen || herren keyser Karlen, in den selben ho^efen aber etlich lút gu^eter vnd gericht gelegen sint, die der obgenant her Go^etfrid der Múller von v´ns ze lehen hatt, die selben lút gu^eter vnd gericht er dien obgenanten von Zúrich ze koffenn geben hat vmb achzig mark gůtes vnd lo^etiges sylbers, des er nach siner vergicht gantzlich von in gewert ist, vnd batt v´ns der selb her Go^etfrid der Múller, die lút gu^eter vnd gericht, so er von v´ns ze lehen hat vnd in den vorgeschriben zwein ho^efen Trúchtenhusen vnd Zollinkon gelegen sint, mit allem dem reht, so darzů ho^ert, von im vfzenemenn vnd si wider ze lihenn dien obgenanten von Zúrich. Wir erhorten sin ba^et vnd nâmen die selben lút gu^eter vnd gericht von im vf, vnd nâch siner ba^et haben wir si wider verlihen dem burgermaister dien ra^eten vnd dien burgern gemeinlich der statt Zúrich vnd haben och dien selben von Zúrich vnd allen iren nachkomen alles das, so der obgenant her Go^etfrid der Múller von vns ze lehen hatt, das in den vorgeschriben zwein ho^efen gelegen ist, mit lút mit gůt mit vogteyen mit twingen mit be^annen mit gerichten kleinen vnd grossen mit túb mit freflin mit aller rechtung friheit vnd ehafti, so dar zů ho^ert vnd vntz her darzů geho^ert hat, gunnen vnd erlo^vpt eweklich ze haben vnd ze niessen da ze richtenn ze besetzenn vnd ze entsetzenn, wie inen das fůglich ist, vnd in aller der mass, als es der obgenant her Go^etfrid der Múller vnd sin vordern vntz her genossen besetzt vnd entsetzt hant, ân alle geuerd. Vnd ze offenem waren vrkúnd vnd sta^eten sicherhait aller diser vorgeschriben ding henken wir abt Herman da uorgenemt v´nser insigel an disen brief. Der geben ist ze Wil⁶ in v´nser stat, do man zalt von gottes gebúrt drúzehenhundert jar, fúnfzig iar vnd darnach in dem achtoden iar, an dem na^ehsten dontstag^a) nach sant Barnabas tag.

Source Fulltext: Chartularium Sangallense VII, Nr. 4546, S. 388-389.