Wir Růdolf, ůlrich, Marquart vnd Eglolf uon A^emptz² gebrůder veriehind offenlich mit disem || brief, dz wir verlihen habin Hansen vnd Friken den Swiggern den aker vnder Hardeg³ bi || dez spitals⁴ torgel ze ainem rechten erblehen vnd zins lehen, also dz sú ald ir erben || v´ns ald v´nsren erben ja^erlich da uon ze rechtem zins geben sont von dem vor benempten aker uf sant Gallen tag zehen hu^ern geben sont. Vnd des ze ainem waren vrkúnd der uorgescribnen ding henk ich obgenanter V^olrich von A^emptz ritter fúr mich vnd all min brůder min insigel an disen brief. Der geben ist ze A^emptz in dem iar, do man zalt uon gottes gebúrt drúzehen hundert iar vnd fúnfzig iar, dar nach in dem núnden iar, an dem na^echsten sunnen tag vor mitter uastun.

Source Fulltext: Chartularium Sangallense VII, Nr. 4584, S. 428.