Allen den, die disen brief ansehent lesent oder ho^erent lesen, kúnd ich Herman Spa^et, den man nemmet Quisi, || vnd vergich offenlich mit disem brieue fúr mich vnd alle min erben, daz ich lieplich vnd gu^etlich gantzlich vnd || gar v´ber ain komen vnd beriht bin mit den . . burgern gemainlich der stat ze sant Gallen vnd mit dem spittal || ze sant Gallen¹ gelegen obrenthalb Yrer tor² vor dem Rindermargt von dez houes wegen ze Friwille³, von dez hûs wegen, daz der Fridbolt ist, gelegen ze sant Gallen an der Núwen Gassen⁴, vnd von aller der sto^ess misshellung vnd ansprachen wegen, so ich vntz her vff disen húttigen tag, als dirre brief ist geben, gehept hân mit dem vorgeschribenen spittal vnd mit den . . burgern gemainlich der stat ze sant Gallen, daz ich lûterlich iro gůter frúnde darumb worden bin gantzlich vnd gar, vnd han darumb von dem vorgeschribenen spittal enpfangen fúnfzehen guldin gůter vnd genger, die an minen gůten nutz komen sint, vnd darumb daz die vorgeschriben rihtung vnd sůn von mir sta^et vnd vnzerbrochen belîb, so han ich dem vorgeschribenen spittal vnd den . . burgern gemainlich der stat ze sant Gallen zů mir ze mêrer sicherhait ze tro^estern vnd ze wern geben den fromen vesten ritter hern Swigger den Tummen von Núwenburg⁵ vnd die êrbern vnd wolbeschaiden Burkart von Brahsperg⁶ vnd Marquart von Schellenberg⁷, die hânt dem rât ze sant Gallen gelobt iekliche besunder mit siner trúwe, bescha^ech, daz got niht welle, daz ich ald ieman andre an miner stat ald von minen wegen die vorgeschribenen sůn vnd rihtung gen dem vorgeschribenen spittal ald gen den burgern gemainlich der stat ze sant Gallen ald sunderlich gen dehainem vnder in bra^echint vnd v´berfu^erint, wenn daz bescha^ech, daz dann die vorgenemten tro^ester vnd wern mich dar vmb vêhen vnd angriffen sont bi der trúwe, als sú gelobt hânt, an minem lîp vnd an minem gůt, wie vnd wâ sú daz getůn mugent, ze gelicher wîse, als ob ich die sůn vnd rihtung gen den selben drigen gebrochen vnd v´beruarn hett. Vnd ze ainem wâren vrkúnde vnd gantzer sicherhait aller der vorgeschribenen dinge so han ich Herman Spa^et da vorgenemt fúr mich vnd alle min erben min insigel gehenkt an disen brief. Wir die vorgenemten tro^ester vnd wern Swigger der Tumme ritter, Burkart von Brahsperg vnd Marquart von Schellenberg veriehen ainer gantzer wârhait aller der dinge, so von v´ns an disem brief da vorgeschriben stânt, vnd ze mêrer sicherhait der selben dinge so haben wir o^vch v´nserú insigel gehenkt an disen brief. Der geben ist ze Núwenburg⁸ an sant Philips vnd sant Jacobs tag der zwelfbotten ze inga^entem maigen in dem jâr, do man zalt von Cristus gebúrt drúzehenhundert jâr, fúnfzig jâr vnd darnâch in dem núnden jâr.

Source Fulltext: Chartularium Sangallense VII, Nr. 4592, S. 432-433.