Wir Karl von gots gnaden Romischer keiser zu allen czeiten merer des reichs vnd kunig zu Beheim || embieten . . dem burgermeister, . . dem rat vnd den burgern gemeinlich der stat zu sand Gallen || vnsern vnd des reichs lieben getrewen vnser huld vnd alles gut. Wir empfelhen ewern trewen || vnd gebieten euch ouch ernstlich vnd vesteclich bei vnsern vnd des reichs hulden, daz ir die gewonlichen stewer, die ir vns vnd dem reich vff sand Merteins tag, der nehist vergangen ist, schuldig seit zegeben, dem edlen Rudiger Maness von Czurich ewerm vogt² vnserem vnd des reichs lieben getrewen geben vnd beczalen sullet, vnd wenn ir daz getan habt, so sagen wir euch derselben stewer vff dicz jar quit ledig vnd loz, als verre Brann der Meyer^a) von Wyndek³ vormals ewer vogt dieselben stewer innegehabt vnd vff genumen hat. Mit vrkund dicz briefes versigelt mit vnserm angedrukten insigel, der geben ist zu Prag nach Crists geburt dreuczenhundert jar, darnach in dem neun vnd funfczigisten jar, an der nehisten mitwochen nach sand Mertins tag, vnserer reiche in dem vierczenden vnd des keisertums in dem funften jare.

Source Fulltext: Chartularium Sangallense VII, Nr. 4648, S. 474.