Allen den, die disen brief ansehent lesent oder ho^erent lesen, kúnd ich Bartholome Blâr||rer burger ze sant Gallen vnd pfleger dez spittals der siechen ze sant Gallen vnd || vergich offenlich mit disem brieue fúr mich fúr alle min erben vnd nâchkomen vmb diz || nâchgeschribenen ho^ef vnd gu^eter, der hof ze Nidern Ach, den man nemmet der Herra hof, vnd die Ach múli ze Nidern Ach, die ich ko^vft von Cůnrat vnd von Hûgen von Rota gebrůdern vmb hundert pfunt vnd vmb drissig pfunt pfenning Costentzzer múnse, vnd der hof ze Stainibrunnen gelegen, den ich ko^vft von Hansen vnd von V^elin den Stainibrunnern gebrůdern vmb zwai vnd núnzig pfunt pfenning der vorgeschribenen múnse, als die brief¹ wol bewisent, die darúber geben sint, daz ich die selben ho^ef mit dez vorgeschribenen spittals pfenningen von der pfleg wegen geko^vffet vnd vergolten hân vnd daz ich die selben ho^ef in getrúwes hant als ain getrúwer trâger an dez vorgeschribenen spittals stat vnd ze sinen handen von den lêhenherren v^f genomen vnd epfangen^a) hân. Vnd darumb so han ich mich willeklich verzigen vnd verzieh mich mit disem brieue gantzlich vnd gar fúr mich fúr alle min erben vnd nâchkomen aller der reht vordrung vnd ansprâchen gaistlichs vnd weltlichs gerihtes, so ich ald min erben ald nâchkomen zů den vorgeschribenen ho^efen vnd gu^etern von aigenschaft von lehenschaft von gewer von besatzzung ald von dehainen andern sachen hattent ald hie nâch iemer gewinnen mo^ehtint. Vnd ze vrkúnd der wârhait aller diser vorgeschribenen dinge vnd vergiht so han ich Bartholome Blârrer da vorgenemt fúr mich fúr alle min erben vnd nâchkomen min insigel gehenkt an disen brief. Der geben ist ze sant Gallen, do man zalt von gottes gebúrt drúzehenhundert jâr vnd darnach in dem sehszigosten jâre, an dem na^ehsten samstag vor sant Vrbans tag.

Source Fulltext: Chartularium Sangallense VII, Nr. 4680, S. 499-500.