Wir Eberhart¹ etc. kúnden etc., das fúr vnns kam der from vest ritter herr Herman von Landenberg von Griffensee² der júnger mit sinem elichen gemachel Adelh. Růdolffs sa^elgen tochter von Sunnenberg³, vnd hatten vns inen lihen den hoff, den man nempt Lechnow⁴, des Spissen gůt, den hoff ze Kagern⁵ halben vnd ain hoffůder wingeltz, das von vnserm gotzhus ja^erlich werden vnd geuallen sol, die selben gu^etter vnd das gelt von vns vnd von vnserm gotzhus lehen sint vnd sind ouch das obgenant kind angeuallen von dem Ru^od. sa^elgen von Sunnenberg sinem vatter, der si von vns^a) lehen ha^vt. Darumb haben wir vnnser sunder frúntschafft vnd gnad erzaiget vnd haben darumb ir ernstlich bett erhort vnd haben die selben vorgeschribnen gu^etter vnd das gelt mit allen nútzen vnd mit allen gewonhaiten mit allen rechten vnd zůgeho^erden gelihen vnd lihen es alles recht vnd redlich mit disem brieff dem selben herr Herman von Landenberg vnd sinem elichen gemachel Adelhaiten inen baiden gemainlich vnd vnuerschaidenlich ze rechtem lehen, vnd haben ouch die selben lehenschafft gethan mit allen etc., die darzů horten oder ho^eren solten nach gewonhait vnd nach recht. Vnd des etc. Datum ut supra^b) in vigilia Thome apostoli.

Source Fulltext: Chartularium Sangallense VII, Nr. 4717, S. 526-527.